莫明的down

昨天下午開始好頭痛! 又收到朋友放完胎8-9日開始流啡! 其實真係唔知點安慰佢!!我個心都好替佢難過! 昨晚心情真係好down , 老公又出差, 自己一個食完飯返左屋企同3隻狗係梳化睇電視, 個頭就越來越痛! 個人有時又覺得好熱想出汗咁!係D藥既副作用定係我睇中醫針灸身體強左既結果, 我真係搞唔清!! 仲有2星期就返去見醫生, 個心突然覺得好亂好亂! 之前做過2次IVF其實我都唔係非常緊張! 今次噴左2個幾月藥, 又擔心D藥是否起到作用, 又驚反效果叫唔醒D卵…… 而且已經係公家第三次, 即公家LAST 一次......依D都係無形的壓力! 叫自己唔好諗, 又談何容易呀! DOWN左一晚, 11點半就去瞓! 好在一早起身已冇頭痛! 受到朋友C積極的感染, 我都要正面D! DOWN左一晚就由他去吧!! 之後要振作!!振作!!