DAY 16-31 結束等於一個新開始

DAY 16 今日全日係屋企休息同煲劇, SO都係主要係張床到活動!

之後已經有朋友話套韓劇屋塔房世子幾好睇, 之前一路冇時間睇, 咁依幾日休息就可以睇啦!!

其實依日個肚都仲有小小痛, 可能卵巢抽卵的傷口未好啦!!

 

DAY17 今日要返岑醫師到做針灸

 

DAY18 下午都要返岑醫師到做針灸, 針完返去約左老公出街食飯, 因為阿媽要去飲冇煮飯!

我地去左食和民, 我當然點D熟野食啦!

睇見老公食魚生, 真係流晒口水, 不過都冇辦法!

我真定要忍忍忍!!

個日覺得個子宮好扯扯下, 同老公講左, 佢講係唔係BB係到大緊呀!!

唔知係唔係呢?

唯有希望係啦!!

 

DAY19 今日全日係屋企ONLY LUNCH落街買左盒飯食, 因為阿媽去左另一間屋未返!

其實今日捈到一DD血絲!不過好少, 而且ONLY出現一次, SO我都冇理啦!

 

DAY20 今日係星期一, 不過今日要返岑醫師到做針灸, SO都冇返工!

 

DAY21 今日返工真係好多野做!想HEA住做都唔得添!不過自己都會樣樣小心D!

 

DAY22 今日放工返屋企時覺得有M COME FEEL, 個肚脹住, 以往M前一星期都會有依種痛, 唔通……

個時心好亂, 不過都叫自己唔好想太多, 因為如果唔係我的擔心咪白廢!!哈哈!

 

DAY23 M痛FEEL繼續有, 而且個人好似暈暈地!!

雖然都可以涯到放工, 不過都幾辛苦!

不斷係到諗究竟係M到的前奏, 定係LOVEBABYS比我的提示呢?

我知道點諗都唔會咁快有結果, 唯有希望個天可以比個機會我做媽媽!!

依一刻的心情我想唯有你地先會明白!!

 

DAY24 今朝冇咩FEEL到痛, 但個肚又好似有少少扯住!!

唔痛其實仲擔心, 因為仲似M前痛! 現在依一刻真係好無助!

真係唔知BBs仲係唔係到, 有冇乖乖成長?

BBs媽媽已經好努力啦!希望你都比個機會媽媽可以照顧你!!

同我一齊努力呀BBs!!!

 

DAY25 今日都冇咩特別, 仲同老公&細妹佢地去睇戲, 愉快的一天!

 

DAY26 今日中午同媽咪&細妹去左飲茶, 飲飲下突然標冷汗, 個刻真係有好強勁黎M FEEL!!

返到屋企即刻瞓, 個人真係好冇心機!!

到旁晚, 起身食飯, 去洗手間一扜, 竟然有少少啡!!

個時真係心情忐忑不安!!

之後用紅D CHECK下, 傳說中的紅線並沒有出現!

個晚心情真係好差!

忍淚打電話比老公話佢知流啡, 同CHECK左冇!

其實個心都係亂, 老公都繼續安慰我!

或許今次唔係一個GOOD TIMING 啦!!

唯有疊埋心水, 準備搬屋D野啦!!

 

DAY27 今早唔死心再CHECK一次紅D, 都係相同結果!!!

今日返工有法國&上海同事黎AUDIT我地, 成日都有好多時間要企&好忙, 不過CHECK左都冇, SO都要做好依份工!

 

DAY28-29 依兩日都係AUDIT, 流啡情況一路都有!我自己係估係想黎M, 不過塞藥未塞完, 一塞藥流啡就減少, 不過姑娘話點都要塞完D藥, SO唯有聽指示!

 

DAY30 由昨日下午開始已沒有塞藥, 今日就如M到第一日一樣!!

不過個肚就冇我平時咁痛! 下午發現一大塊血塊, 成日想:唔知佢地係唔係我的LOVEBABYS, 或者我地今次真係無緣!!!

 

DAY31 今日去完QM後會去尖沙咀參加朋友P的證婚! 朋友C都會去, 朋友C好好人培我一早去QM, 一如我所料驗出黎係NEGATIVE, 沒有太失望啦!因為已經接受左! 隨著QM檢驗後第一次IVF正式結束了!!

去完朋友P的證婚後, 我和朋友C就去食左個豐富的LUNCH, 之後我去左做FACIAL, 雖然今次唔成功不過都要振作!!!

放胎

DAY15
一早就同媽咪出發去QM, 係中環坐的士去QM, 去到剛好7:30, 先辦入院手續再上K5N, 比左文件就一直係到等, 開頭等時都冇咩特別緊張, 點知左待右等都唔叫我個名!!一直等到D人都走得7788, 到8點半上次同日抽卵的戰友都黎左, 佢要比醫生檢查同埋當然要比錢, 同知道有幾多個胎! 之後佢等左一陣就入去見DR LI, 佢出黎後話佢有6個卵, 整到6個柸胎!!都真係好好成績!!

其實等到後期真係開始緊張, 因為等左個幾鐘都唔見我, 個刻好驚姑娘會話我知, 今日冇得放!!

過多一陣DORIS姑娘終於叫我, 佢話今日會放兩個胎, 個刻心情即刻鬆晒!!

我話等左咁耐, 我以為冇得放, 真係嚇死!!

DORIS姑娘話今日私家公家抽卵+放胎有12人, 真係講都講到口乾!!

講真佢地真係好辛苦!

做到冇停手!!

我問左依兩個胚胎係GRADE1 & 4, 同埋另外仲有兩粒可以雪, BUT就唔知GARDE!

唔理啦!我已經好開心, 可以有4個胚胎!!

因為我參加研究, SO要種豆, 今次種手背, 真係痛好多!

之後又出去等一陣, 連我細妹都到埋!!

後來姑娘帶我去K5S個梳化房到坐, 阿媽同阿妹就係出面等!

間房得我一個人, 可能公家放胎得我一個人啦!

係間房都冇咩做, 都係睇電視, 仲睇到發哥做個套笑倣江湖!

我未睇過, SO覺得又幾好睇!

中間都去左幾次廁所, 但我其實ONLY飲左幾啖水!!

可以係因為打左點滴啦!

到12點蘭子黎推我去手術室, 我係第一個放胎, 之後又推多一個私家証戰友黎!

之後同蘭子又係到傾下計, 講佢去旅行D野, 佢仲請我食毛牛肉, 因為我個時話好肚餓!!哈哈!!我真係好為食下架!!

唔知我既LOVEBABYS係唔係同我一樣咁為食呢!哈哈!!

等到12點9LAST一位做抽卵的已完成, 接著就係接我兩個LOVEBABY回家的重要時刻!個時剛好有少少急!

都係同抽卵一樣, 由柴醫生負責, 冇咩好唔舒服, 10分鐘左右已完成!

接著又係推我返K5S間房休息, 途中已經叫阿妹去取藥同交錢!

今次交4700LAB費用&4000雪柸胎!

我係間房到休息左1個小時見有D急先去廁所, TOTAL休息左2個小時先走!

因為我細妹幫我取藥都要等成2HRS!!

之後我地一行3人去左岑醫師到做溫針, 返到屋企都成6點幾啦!!
阿媽阿妹就陪我等左成日!!

希望兩個LOVEBABYS 可以黏實我!!

係入面搵個好位安穩地住10個月!!

抽卵編

成個星期冇UPDATE啦!

真係唔好意思!!

見到好多BLOG友的鼓勵同支持真係好開心!!

係到再一次多謝你地!!因為有你地既支持我先可以有更大的信念!!

 

DAY12 講返一個星期前依日係做抽卵前一日, 咩針都唔駛打, 本應休息一下, 不過個日就同左奶奶老公去左新屋拜4角!

奶奶係好唔捨得我地搬去咁遠, 不過因為近我阿媽, 佢都無奈接受!

雖然我係有D自私, 對佢可能有D殘忍, 不過都冇辦法我想搬大D又想近我阿媽唯有做此決定!

 

DAY13 一早5點幾就起身, 6點坐的士去QM去到未夠7點, 即刻去急症室辦入院手續, 之後上去K5N, 剛好有個姑娘返左, 個姑娘係咁讚我乖話我好準時, 哈哈!

等左一陣DORIS姑娘幫我打點滴, 其實都OK唔算好痛!

係出面又等左一陣, 有姐姐帶我去病房, 而老公就唔入得去, 佢就去左食早餐同埋等10點左右交野!

我被安排到傳說中的無敵海景床位K5S的10號床, 一早去到其他床位都冇人得我一個, 之後有位阿姐教我點著D手術袍, 著好又係繼續休息, 都係睇下電視. 到左8點幾左右有另一位都係做抽卵既戰友黎左, 當然之後都有傾下計啦!原來佢已經第3次抽卵啦! 不過醫生話佢今次指數高, 多數都唔可以放胎!講下講下姑娘就黎幫我打止痛針, 之後就唔可以落床, 因為個頭真係會開始暈暈地! 可能有人傾下計分散下注意力, 個刻真係唔覺得好緊張, 之後9點3左右蘭子就黎推我去手術室, 蘭子真係好好人, 叫我之後快D請佢食薑醋, 又問我阿媽幾歲, 佢話佢同我阿媽都係差不多大, 所以當我地係女咁! 我覺得佢真係好敬業, 而且亦都比到好多鼓勵我地! 講返抽卵, 我入到去手術室前的WAITING ROOM等左一陣, 前面一位抽左卵既推左出黎, 佢應該係私家症, 聽到柴醫生同佢講有一粒, 當然個位朋友係冇晒表情! 我自己個刻亦開始意識到原來真係會得咁小!!

不過好快已經收捨心情因為接著入手術室的就係我!SET好晒位對埋ID就開始, 其實開始時我好眼訓, 不過之後聽到姑娘講2粒, 2粒, 2粒……突然精神D, 想知道抽多幾多, 於是成個過程其實都係清醒的, 一路抽其實都冇咩感覺, 係做到後尾係有D痛, 不過都可以忍受到, 之後抽完等左一陣醫生話我知有4個好的卵, 個一刻好疑惑, 姑娘明明數左好多, BUT都係得4粒咁少!!!

不過都冇再問之後就推左我返病房休息, 接住就到我隔離床的戰友抽卵!

返到病房都仲係暈暈地, 之後打電話比老公, 佢啱啱坐車離開QM, 自己強忍淚水, 同佢講得4個卵好少, 老公就話好既一個都夠啦! 叫我唔好想太多, 快D休息. 之後打多一個電話比阿媽話佢知抽左4個卵. 其實好想瞓不過聽到醫生講只係得4個卵一直耿耿於懷, 瞓唔到, 一路安慰自己, 不過都瞓唔到!

隔離床的戰友之後都抽完返黎, 佢話佢抽左14個得6個用得, 好既一半都冇, 比佢上兩次做既結果差, 因為七除八扣可能得2-3個胚胎, 個時我仲強忍自己得4個好卵的傷感, 走去安慰佢!!

12點開始派飯, 我個時真係好肚餓, 雖然D餸真係幾難食, 我都將佢食得7788, 除左D肉片實在太難食, 真係食唔到! 因為唔夠飽, 我連個橙都食埋, 哂蘭子見到後話真係睇唔出你個人瘦瘦地都咁食得!!哈哈冇計, 我其實一向都大食!!

不過隔離床的戰友就一食少少即嘔, 佢對D麻醉藥真係好大反應, SO真係好辛苦!!

之後我細妹黎接我, 佢先幫我交錢$150, 同埋去攞藥!

柴醫生黎巡房, 問我個肚有冇痛, 個時仲冷勁話冇痛(點知原來好戲在後頭), 我問左醫生我TOTAL抽左幾多個卵, 原來係TOTAL抽左10個, 得4個OK!

 

細妹攞完藥就同我返阿媽屋企, 我細妹都話已成事實, 叫我都唔好諗咁多!!

返左屋企就真係咩都唔駛做, 咩都係阿媽代勞!

 

晚上瞓覺前打比老公, 個一刻真係忍唔住咸, 因為實在太擔心得4個卵, 七除八扣會唔會得1個OR兩個得, OR 最差會唔會冇!!

老公聽到好好安慰我, 佢話按機率應該都有2個OK, 就算真係冇, 如果我唔怕辛苦咪再黎過啦! 就算真係唔生我地咪好好同我地3隻狗狗一齊生活, 佢話佢自己都係一個好人, 平生冇做咩壞事, 叫我放心, 其實一切都係個天安排, 叫我唔好想太多!

聽到佢既安慰個心真係放底左好多! 唔再想太多啦!

 

今次好快已經瞓著, 不過半夜個肚就痛醒左, 我去左小便之後冇理D痛繼續瞓!

 

DAY14 依日全日係屋企休息, 其實D麻醉藥過左個肚就有D痛!而且仲幾多胃氣!

不過都係可以忍受的!!

奶奶依兩日都有打比我問我情況, 都講左比佢知等佢安心D!!

 

其實真係好多謝老公, 媽咪, 奶奶同埋屋企的其他人既支持, 有佢地既全力支持, 我先可以好好地走到今天!!!

IVF Day8-Day11

Day 8: 今日除左要加150iu menogon, 仲要加多一支orgalutran打肚皮!

打完menogon之後加肚皮, 一拉開件衫, 醫生話夠多脂肪, 唔會好痛!

估唔到連醫生都笑我腰粗!!!哈哈!!

我本身係瘦架!不過唔知由幾時開始有肚腩, 加上做左IUI後, 個肚腩就更加有睇頭!!

依加都唔理得咁多啦!!繼續IVF最緊要!!哈哈!

今日依然有好多分泌, 而且個胸開始痛, 同我就排卵時的徵狀好似, 不過就早左4-5日!!SO我估D藥真係好勁下!!

 

DAY9: 今日一樣打兩支針,依然有好多分泌同胸痛

放工去左岑醫師到做針灸, 問佢之後幾時要再返黎針, 佢話要睇我幾時放胎先約到時間!

 

DAY 10: 打針後第一次返去照, 7:40左右去到K5N, 都有4-5PAIR人係到!

今次DR LI同我照, 佢一路讀D卵既SIZE, 17,13,17,15,16,15,20,21,22……

讀到我都唔知有幾多係OK, 不過佢話我星期一可以抽卵,
有5粒已經READY, 其餘仲有幾粒追緊, 應該都OK.

聽到可以抽卵突然覺得好興奮, 因為又向前行多一步!

之前冇諗過咁快, 以為仲要返黎照多次先得!

速戰速決都好既, 符合我的性格!哈哈!

 

因為今日係星期五, SO要返公司搞埋D野, 如果唔係下星期成個星期唔返, 真係有好多手尾未搞好!當然返去都同老細講左下星期要放假!

 

之後又打返去岑醫師到BOOK時間, 原來放胎之後仲要針多3-4次!

 

DAY 11 星期六可以係屋企附近打針, 依兩支係LAST兩支啦!

今晚打埋夜針就可以休息1日啦!

本來今日會返阿媽屋企食飯, 但唔知點解, 今朝又有少少肚痾, 而且個胃好似頂住頂住!
又有少少頭暈, 都唔知係我自己唔舒服定係D藥既副作用!!

因為有D唔舒服都唔敢周圍去啦!

即刻返屋企瞓啦!!

 

到下午好少少啦!

不過都係覺得個胃有D頂住!!

未到7點就同老公去會所食飯!

之後就出發去瑪麗!

9點我地已經去到, 到9:30好準時就打針!

以為會好痛, 不過原來一D都唔痛!!

可能姑娘手勢好啦!!

時間真係好快連夜針都打埋!

下一步就係抽卵啦!!

其實心情都冇好緊張, 係希望唔好有咩唔舒服, 順利完成抽卵啦!!

IVF Day 3- Day 7

Day 3: 上次講既day3只係講左上半場

    個日下午2:30收到QM姑娘打黎話未見我老公, 電話又打唔通!

    我都估佢可能遲左到!因為一早返大陸又要趕返黎!

    之後都有驚冇險交左野!

    佢之後要返公司時已經話有D唔舒服!

佢早兩星期已經約左朋友個晚去食飯, 我已經千叮萬囑, 唔好飲酒OR唔好飲咁多!! 不過我其實都估到同依個朋友出去一定會飲!係差在唔知會飲幾醉!

我個晚就返左阿媽屋企食飯, 返到自己屋企都11點幾, 不過老公都未返!

佢成1點先返到, 當然又係半醉狀態!雖然心裡有一刻好嬲, 因為真係好難理解, 佢地點解唔可以體諒下我, 我樣樣小心, 日日打針, 又要做取卵手術, 我地女人係身心都要折磨, 佢地起碼身唔駛點折磨, 都唔可以係重要月份做好本份養好身體!不過算啦!正如我之前講我ONLY嬲左一刻!之後就去左瞓啦!

 

DAY 4: 星期六可以係屋企附近個醫生到打針, 9點9去到已經有好多人掛左號, 我等到10半先打到, BUT比起荃灣的醫生平好多 ONLY100咋!

之後去食左個豐富的早餐先返屋企!

返到去老公剛起身, 佢一講野把聲就沙, 我就知佢又作病, 要食藥!

唉!有時真係幾激氣, 咁重要既時候仲要去飲酒之後又病!

佢之後落樓食野, 我就幫狗狗沖涼, 之後佢上黎幫手做清潔!

我本來個日約左我細妹黎一齊幫手攞一部份野去新屋!

之後唯有我同阿妹攞, 老公留係屋企休息!

到晚上就一齊返左阿媽屋企食飯!

 

DAY 5: 奶奶一早打黎話去飲茶, 去飲茶前先去診所登記, 之後9:30去到酒樓, 食左隻蝦餃同奶皇包. 到10點, 同佢地話出去攞野, 其實去左打針!去到醫生第一個幫我睇先, 其實依個醫生都幾好人, 因為佢以前都話會盡量幫我打左針先, 因為唔想我係診所太耐, 始終診所多細菌! 個日我同佢講打針唔係好痛不過打完之後個PAT PAT一用力少少, 就痛!佢話我可能打300高劑量會痛D!

其實之前做IUI打肚皮又唔覺有痛, 之後諗諗下肚皮好小用力, 不過PAT PAT有時行樓梯就會用力, 一用力就痛! BUT都可以忍受的!

我打完針返去酒樓, 佢地都食完野準備走啦!

之後老公同大伯去踩單車, 其實我都唔係好想老公去, 一來未病好, 個日又時晴時雨, 我唔想佢淋雨! 不過佢都係要去阻都阻唔到!

至於我就返左屋企放狗, 之後又攞左D野去新屋個邊, 又出沙田幫大伯的大陸朋友買去肚紋CREAM, 之後自己又冇啦啦買左D護膚品!!哈哈!都係忍唔全要SHOPPING!!

旁晚返到奶奶屋企食飯, 我老爺一家都係飲得之人, 間唔時都係屋企飲XO, 我老公就麻麻地XO, 佢飲啤酒多!

個日大伯話要試下支60年伯蘭地!倒左3柸, 一柸佢自己, 一柸老爺, 一柸我老公!

我即時望左我老公一下, 同埋黑臉!因為講真, 真係忍無可忍!

不過我都冇出聲, 繼續食飯飲湯, 成餐飯都冇胃口, 因為個兩日唔知做咩個肚有D唔舒服, 每日都痾一或兩次!

食飯食到一半時見我老爺大伯行開左, 我老公將D酒倒去佢地兩個個柸到!

都算佢啦!如果唔係都唔知點收科, 嬲我又好辛苦, 唔嬲我條氣又唔順!

佢依個動作總算將問題解決左!!

另外我D M通常要7日左右先完全清晒, 不過今次5日左右已經開始清左, 早左兩日! 我估可能都係D藥既影響!

 

DAY6: 本想今日返QM打針, 不過都係起唔到身, 最後去返荃灣打!

下午請左假去做針灸!LUNCH約左阿妹去食LUNCH跟住去買冷, 準備如果有得HOME OFFICE時, 可以打發時間, 等時間快D過唔好亂想野!!

3:30準時去到岑醫師到已經有2個人等醫師佢開門!

見岑醫師時佢話我之前FSH13有11粒卵泡都算唔錯!

之後都係繼續針!

不過依兩日唔知點解開始腰痛!

針完之後返左東涌阿媽屋企食飯, 因為老公話想睇下新屋裝修成點!

我間新屋係阿媽屋企樓下, SO順利成章食完飯再落去睇裝修!

 

DAY7: 繼續打針

不過下午時發現有透明分泌, D藥的威力真係勁, 依D分泌平時係DAY13排卵左右先會有, 依加DAY7就出現!

D藥果然係令D卵生長得快! 不過明天會開始加打壓排卵針, 應該會CONTROL住!

講返工作, 本想輕鬆做IVF, 不過6月都好忙, 又有另一個AUDIT!

不過老細都好人, 問我有咩要比佢FOLLOW!

依加唯有盡做, 做唔完既就比老細自己搞啦!

 

睇到TIGGER 的小龍出世, 真係好感動!

有時都會幻想幾時到我的LOVEBABY出世呢?

IVF 正式開始

係M到前幾日都FEEL到佢就黎, 因為又開始肚谷谷, 又有D想嘔頭暈!

同奶奶講我會返阿媽屋企住時, 佢問我會唔會LAST1個月有機呢?雖然我都好想得!

不過事實我知應該都係要做IVF!

 

仲有搵醫生打針都出左好多問題!係我返工附近問左4-5間診所都冇醫生肯打!

ONLY有係我住個邊有一個以前幫我打過安胎針既醫生肯打!不過佢要10點先返到診所, 我再返工都11點幾, 兩星期都返11點幾, 我都過唔到自己個關!

SO真係唔得唯有辛苦D返QM OR加錢自己打肚皮針!

 

DAY0: 約左明天去瑪麗, 下午收到瑪麗姑娘電話, 問我黎M未, 我話未FEEL到黎, 咁即係明天唔駛去瑪麗住宅不過當晚有少少啡, 冇肚痛, SO冇理佢, 就瞓覺啦!

 

DAY1: 一早未起身時FEEL到下身有野滴出黎, 鬧鐘響時起身一CHECK真係黎左!

坐車返工時又收到瑪麗姑娘電話, 我話M黎左啦!姑娘問我係唔係黎緊瑪麗, 我話唔係, 明天DAY2先黎!

一個早上個肚都好OK, 冇事!

不過下午都係有痛!到3點幾頂唔住坐的士返左阿媽屋企(比較近公司)瞓左2個鐘真係好好多!之後又趕去睇岑醫師做針灸!

同佢講唔食中藥住, 佢話其實食都冇問題, 不過我唔想都可以!

SO我都係唔食住啦!

針完之後食埋飯回家途CALL左阿媽叫佢星期六煲海蔘!!

 

DAY2: 一早同老公去到K5N好多人!!

首先去交錢4000藥費+60診金

之後等叫名, 都等左15MIN左右

係一個女醫生幫我照U/S, 手勢OK, 一D都唔痛!

佢照到我右邊6粒左邊5粒, 同我12月時照有10粒左右都差不多!

我都知11粒真係唔算多!

不過唔緊要啦!唯有自我安慰貴精不貴多啦!

醫生問我返黎打針定自己搵醫生, 我話出去打, 問我搵左醫生未, 我話搵左, 不過好難揾!醫生話如果星期日冇醫生開, 可以返黎打!

最後醫生話冇咩問題出去等抽血!

好快抽埋血, 之後入左去見DR. LI 首先我老公要簽份野係FOR留精做BACKUP!

本來以為可以即時留埋, 點知姑娘話個LAB要下午2點先得, 我老公之後12點半要趕返大陸!SO個日又唔得, 之後約左第二日下午, 不過其實我老公都好辛苦第二日一早要上大陸, 之後又趕返QM, 不過都冇辦法!

醫生話如果今日冇收到電話明天就可以開始打, 最好係早上12點前打, 之前仲諗住放工返屋企附近打, 依加又唔得啦!

又要想辦法!

之後攞埋藥就走得, 我DAY3&DAY4打300, 之後打150, 我估都算輕量啦!

DAY10先再返QM照!

我地返左中環去左上次做IUI時去過的SUPER SANDWICHES食早餐!

食完又去九龍灣CONFRIM訂做傢俱D野, 一搞又到12點幾!

老公要趕返大陸, 我地一齊返左上水去美心食左LUNCH, 之後佢就返大陸!

我趁下午得閒, 去問左D野煲粥今晚食, 同埋煲花膠!

返到去後諗諗下不如問下鄧醫生(我之前睇過既婦科醫生)肯唔肯打針, 佢診所係荃灣, 我之後返工都可以早D!

打左去個到姑娘REFER我去另一個醫生!

同依個醫生的護事溝通左一大倫, 終於肯幫我打!

不過好貴要200一支!!

冇計好辛苦先搵到都要打!

 

DAY3: 同平時坐同一架車返工不過係荃灣落, 8點半姑娘返比我入去坐, 以為醫生9點返, 點知要9點半先返! 醫生又話我帶唔夠藥, 佢話跟INSTRUCTION係一支水加一支粉, 但係依到得1支水4支粉!我同佢講QM醫生叫我一支水加4支粉粉!

後來醫生都同意左!總算有驚無險打左第一針!!

我9時半時SEND左MSN比老細同佢講我要10點左右先返到公司!

好在佢都好人SEND返MSN比我叫我RELAX!

不過返到公司真係已經10點幾啦!

 

DAY1-DAY3總算順利開始左IVF!

接下來要繼續努力!!!