奇怪的cycle

上一cycle真的很奇怪!!

正如上一編blog提到我由day11開始check排卵, check到day18都check唔到!

個時已經覺得怪!

點知day19 冬至個日, 早上10點左右係公司去完VV, 紙巾一抺竟然見紅, 個時仲心諗, 我係唔係眼花!!

因為我從來都冇試過早左10日!!

真係早左好多!!

不過事實係今次真係早左好多!

我以為今次個量會少!

點知又冇少, 仲多過平時D!

個時都考慮去唔去睇婦科, 不過我自己估如果冇咩特別, 婦科應該都做唔到D咩!!

於是就冇去睇!

到左DAY3 BOOK左岑醫師!

當然話佢知我既情況!

佢話我應該冇排卵, 我話係呀, 因為CHECK唔到有!

佢話我依兩個CYCLE黎M前都喉嚨痛可能有影響!

我話我最擔心係卵巢衰退搞到我經期亂左咋!

不過佢叫我唔好擔心, 話我不至於咁嚴重!

我又話好唔好去睇西醫!

佢話都可以, 不過如果西醫照左冇咩特別, 都係叫你食避孕藥調理, 冇咩其他野可以做!

咁我又唔想食避孕藥, SO最後都係冇去睇!!

依家唯有見步行步啦!

希望冇問題!

 

我去做針灸時聽到隔離位病人講, 岑醫師D藥同針炙真係掂, 因為佢今次抽到12粒卵, 多過上次一倍!!

 

希望佢D藥同針炙對我都WORK啦!!

 

係到預祝各位姊妹, 新年快樂!!

懷孕既準媽媽, 可以開開心心生個健健康康的BABY!!

努力中的朋友可以一擊即中, 我地一齊準備做媽媽!!!

休息or返工

上次同老公去聽講座時, 其實我地發生左d小磨擦!

話說講座中姑娘提及放胎後可以正常活動, 不用太刻意bed rest.

因為姑娘話普通人有左時都係唔知, 都係正常活動!

我都認同依個說法!

老公即刻話我上次iui放精後咁緊張, 仲唔去放狗!

聽完後即刻有d上火!

其實我自己覺得放狗其實幾操勞, 我家狗狗又好鐘意拉住你行, 成日要同佢鬧力, 又易比狗帶伴倒!!so放精後既2日我都冇去放狗, 之後有去就拖最細粒個隻狗(我家有3隻)!

So有時d男人真係唔明, 雖然話係當一切normal 不過一d比較高危既當然可免則免啦!

不過老公當時就係話叫我唔好太緊張!!

唉!我都冇佢咁好氣, 唔理佢住啦!

開始IVF到時先算啦!

其實我都知道好多方間既野未必有科學根據話對著床一定有用, 不過如果唔係對身體唔好, 又做得到, 咁樣做埋又何防呢???

我地咁辛苦行到IVF依條路, 要打咁多針, 抽咁多血, 做埋手術先抽到卵!

到最後等著床, 當然想以最佳環境及狀態等待啦!

咁盡量小心D, 比平時緊張D都好難免啦!!

 

當日聽完講座後去左睇岑醫師, 我問佢放胎後駛唔駛請2星期假係屋企休息!

佢話駛唔駛咁早問呀?我話想早DPLAN定如果要請假都想盡快話比公司知, 等佢地有得準備下!

於是岑醫師問我係唔係一般文職, 我話YES!

THEN佢話可以返工, 只要唔係做粗重野!!

咁我可能都係會聽醫生/師話!

 

不過放左胎之後可能就會返外家住, 因為我媽咪屋企近我返工好多!

而且有阿媽係到就咩都唔駛做, 做大小姐!!哈哈!

老公唯有暫時唔理住!!

 

講返今個CYCLE, 昨天已經DAY17, 不過仲未CHECK到排卵, 我平時DAY12-15就CHECK到!

今個CYCLE唔知做咩唔排卵!

真係令人擔心!!

不過都唔理住啦!!

可能佢想休息一次!

不過希望佢唔好偷懶咁耐啦!

依加唯有等下個CYCLE再CHECK啦!

瑪麗見醫生

今個星期一終於考完試啦!可以放個長假, 到1月先開學!

依加可以有d時間去巡blog同update下個blog啦!!哈哈!

 

其實上星期五去左QM聽講座見醫生!

WA!今次去聽講座有成10對人,

即係5月有成10對人做IVF, 真係好多!!

因為我地未交錢, 去交完錢, 已經排到尾個幾對先見醫生!!

等左個幾兩個鐘先見醫生, 今次見Raymond Li, 之前有blog友提及的問題我都有問佢:

1. 如果咁好彩第一次就成功, 咁如果想生第二胎可唔可以再做?

醫生話如果第一次IVF有雪胎, 咁就可以用公家價再放雪胎, BUT如果要重新做IVF就要私家症!因為佢地D成本主要係針藥!!

2. 如果FSH高過10做唔做得?

醫生話佢地近來都唔考慮FSH高過10依個問題, 因為FSH有時好浮動, 都好難作準, 佢地依加想對病人公平D, 比多D機會大家試, 總之按實際情況可以做既都會做!!

聽完即刻放心D因為我都成日好浮動!

3. 我即刻問返佢我上個月抽血CHECK FSH REPORT出左未, 佢話上 次結果係9.9, 都比我7月時13好D!!

醫生有講到到時打針既野, 佢話可以日日去qm打or搵出面醫生打,

我話可唔可以自己打, 因為我住得好遠, 佢話我點解唔睇威院, 個時有d唔好意思, 我話聽講qm好似好d!!哈哈!

於是佢話轉肚皮針要加錢,

我問幾錢, 佢話8千woo!!
真係好貴, 咁不如出去叫醫生打好過啦!

不過醫生都話可以到時先決定!!so唔諗住啦!!

之後佢寫左張FORM比我4月時M到打返去睇下幾時取噴鼻藥!

於是我多口問句, 我係唔係用長方案呀?

點知醫生好似突然醒起我問過既問題, 攞左張form重新寫過, 我唔用長方案用另外一個, 即係唔駛噴鼻. 我其實唔知點解, 佢要change, 究竟點先會用長方案, 點先唔會用呢!不過醫生好似冇時間比我問啦!

之後做左小小的checking 同埋提血驗地貧, 因為我冇帶依個report!

抽血時姑娘問我你抽得咁少係唔係漏左, 於是我話我其他report都有only冇帶地貧個report, so醫生要抽過!
今次抽血時好痛, 我都知會紫左一大片!!

走得時都4點幾!等小巴係咁係到食風, 真係幾凍!

之後要趕去睇岑醫師!因為約左5點!

去見岑醫師時當然有話佢知我今日剛見完QM醫生, 佢睇一睇我FSH指數, 就問我係唔係排私家症, 我話我係公家, 因為佢既INFORMATION都係FSH高D政府應該唔受!

於是我將醫生今日同我講既野講左比知!!

之後我問佢點解醫生要CHANGE左長方案, 要我做另一種呢?

醫師勁係到話醫學進步啦!

其實我都唔明!

之後醫師再解釋, 噴鼻藥係可以令到之後個CYCLE D卵生得平均D!同多D!

不過佢有一個壞處係因為佢係上個CYCLE係抑制D卵既生長, 亦可能令D卵一睡不起!!

佢話對於FSH比較高既人, 都係唔好用長方案!

聽完好似明白左D!!

唔知大家有咩見解??

繼續睇岑醫師

近排真係好忙, 做project又要考試!

都冇咩時間上黎!

 

唔經唔覺原來已經睇左岑醫師7次啦!

依兩個月真係過得幾快!

星期五就去QM聽講座啦!

希望一切順利快D到4-5月, 可以順利開始啦!!

 

QM CHECKING

上星期六去左睇岑醫師, 已經DAY31不過個時M仲未到, 我DAY30用綠D CHECK過, 係白雪雪,
不過醫師都係安全為上ONLY幫我針, BUT唔開藥啦!

雖然我都知冇咩期望, 不過唔明點解M會牽遲左幾日都未到!!

困擾左2日, DAY33M小姐終於到!

於是DAY2即刻8點返QM K5N照U/S, 我個日去到QM都係7:40, 交左錢等一等即入去照,
個女醫生幫我照, 數左我左右有10粒卵READY FOR THIS CYCLE.
醫生話又唔算好差!!我問醫生有冇咩特別問題, 有冇水泡? 醫生話冇, 冇問題OK!!

咁都好D!

CHECK完冇問題即刻放心好多啦!!

個日都有抽血再CHECK FSH!

睇完走得時都係8:30左右, 真係幾快!

下次就等12月9日聽講座啦!!

依個月要努力做運動啦!!

大家加油呀!!!

Yoga + Combat

其實由舊年, 年中到今年初都有做yoga + 跳舞!

不過之後就冇心機做啦!

上星期終於又開始返!

上左yoga + combat!

我個阿sir係可以每當比錢, so都好方便!

我依加通常一星期上 一日上2hrs!!

打combat真係出好多汗!!!

不過有時排左卵之後又唔知好唔好上!
因為真係好大動作, 又要跳!

都唔知點好!!

雖然都冇咩期望, 都係一心等5月ivf!

不過又有少少驚, 如果有機, 但比我影響到!

岑醫師針灸1

見咁多同道中人都book岑醫師, 於是自己都心思思想試下!!

打去, 不過冇人聽去左留言, 於是我留下聯絡方法!

到旁晚佢打返比我, 我話想約星期六, 不過冇晒位!

佢問我可唔可以lunch time出黎針, 我話我公司係新界, 過唔切黎!

放工過黎又太夜, so其實只可以星期六!

之後佢同我check左一論, 講10:45星期六, 我緊係得啦!!

不過係星期五佢地又打比我話有人想轉我個時間, 問我可唔可以12:45!

咁問題都不大!

So星期六就去左睇岑醫師!

我去到都好趕, 入去登記左, 都唔駛等5mins就到我!

係我睇過咁多間中西醫, 第一間係唔駛點等!!

真係好好!!

見岑醫師, 佢係咁話我好後生woo!!

其實唔知佢有冇睇清楚我幾歲呢?

因為我自己就唔覺得好後生, 都30有多,!

我講左我個情況比醫師知!

醫師話我好好彩, 內膜移位, 兩邊輸卵管都冇塞!!

佢問我有冇針過我話有!

仲問我針邊到!

其實佢都真係針得幾舒服!

不過我又不差於瞓著, 可能第一次啦!有d緊張!

我以前未試過針背部, 亦冇用電電&燒艾草!

不過加加埋埋又ok woo!!

我問醫師幾時再黎睇, 佢問我估計幾時下次黎m, 之後叫我下星期六又黎!!

今次針灸+5日藥$720

依架睇住岑醫師先, 下個月唔知睇唔睇遲醫師好!!

唯有見步行步啦!!

見好多blog友都同一時間睇緊岑醫師!!大家加油呀!!!

計劃未來半年

10月7日見完瑪麗醫生後, 知道要第5月先做IVF, 其實之後就係到PLAN依半年要做D咩!!

諗下諗下依半年真係有好多野要做!

想下個月去睇返遲醫師, 調理卵巢衰退既問題!

又要努力讀書, 因為上星期成個星期冇返學都MISS左2堂!

其實剛剛好讀到5月初考埋試就放暑假, SO5月開始IVF時間係啱啱好!!

同埋仲有另外一個重大工程就係想搬屋!

依加我住既屋比較細得兩房, 當然兩公婆係夠住啦!

不過有BB當然就係3房會好D, 因為又要請工人姐姐!又要預個位比佢瞓!

最好當然唔想大肚時搬屋啦!

SO希望係之前搞掂晒依D事, 到時可以輕鬆咁樣做IVF &大肚婆!!

 

其實一路做左咁多療程, 除左老公知之外就係我媽咪&細妹!

老公屋企人當然咩都唔知啦!

奶奶知我讀MASTER都有問我係唔係唔生住?

我當時答佢唔係, 只係順其自然啦!

依加我阿嫂都就黎生得啦!

SO大家既注意力當然都放係我身上, 問我幾時生返個!

話冇壓力就假既!

而且奶奶唔知道都好麻煩, 因為有時佢煲左D補野, 我唔飲得住, 有時又好難拒絕拒!

所以上星期六約左奶奶出黎食LUNCH講下D家事, 同埋講左我成個療程既經過比佢知!

其實我奶奶份人都唔錯, 對我亦好好!

佢知道我舊年年尾做手術後, 就話我當時做咩唔同佢講, 佢可以照顧下我丫麻!

我話其實之前都唔知自己情況點, 唔想大家咁擔心, 所以冇講!

佢知道我為左生BB做左咁多野, 佢都覺得好驚訝我可以涯過咁多問題!

之後佢都安慰我, 話我都盡左力啦!

其實同奶奶講完之後個人都輕鬆左好多!

因為有人明白同支持係好重要!

不過我都唔希望其他人知道, 奶奶就話會保守依個小小的秘密!

進軍IVF

6/10

晚又逃學!

知道HCG得2後知道未成功,

BUT因為作M痛好利害於是返左屋企瞓, M小姐係個晚10點幾就黎左啦!正式結束我第一次 IUI.

 

心裡難受當然有, 不過我只係哭左一次, 之後都覺得係天意, 唔好再難為自己, 令自己太辛苦!!

 

7/10

依日係我等左1年8個月去見QM醫生既大日子!

當然同老公食完早餐準時去QM啦!

 

去到S1交左錢$100, 跟住去S5.

度高磅重量血壓, 之後等左10幾分鐘就去見左醫科學生先!

佢其實係幫我RECORD個病歷, 等教授一陣容易D睇!!

 

之後又出去等左成個鐘, 之後入去見何柏松教授, 當然仲有3個醫科學生係到!

其實我地都唔係好介意D醫科學生係到!

見到佢地我覺得好搞笑!

因為教授成日考佢d學生, d學生又好驚青!

我有機會緊係問多d問題啦!

教授就叫佢地答, 有時佢地答唔出, 比教授話佢地有冇聽書架!

 

其實成個見面過程40-50mins都好輕鬆!

我地都冇好緊張, 我老公仲話何教授真係好nice, 唔似有d政府醫生咁好串!

我地走個時同佢講唔該, 佢又話唔駛客氣!

我老公就同d學生講香港靠晒你地啦!佢地係到笑!

何教授就話佢地都好辛苦架!

其實何教授唔知係唔係條頸有事, 我見佢個頭係冇轉過架!

 

好啦!講返我個case先!

之前一路以為政府會叫我試左iui先!

點知一去到何教授話我子宮內膜移位, 要做IVF, IUI成功機會低!

 

於是排左明年5月IVF!

(老公出去之後即刻講話, 我的個龍b計劃, 趕唔切lu!!不過如果有蛇b都好啦!)

佢話我卵巢衰退最好就緊係即刻做IVF啦!

不過政府係要排, SO唯有等一等!

我話佢知我做IUI谷到3粒卵!

咁佢又話又唔係好差WOO!如果有3粒卵佢都做到IVF架!何況我上次D藥只係FOR IUI打得好輕!

SO等半年應該問題不大!

佢叫我星期六返去照U/S, 後來我提佢我上 一CYCLE JUST FINISH IUI可能有水泡, 之後佢叫我NEXT CYCLE先黎照過!

我又問佢我既成功機會有幾多, 佢話40-50%.

當然中間都有問到好多問題!

唔知點解見完何教授, 個心定左好多!

可能有個日期等, 始終比無期咁等好好多啦!

 

不過返左屋企諗清楚就會知道, 原來我個情況係比我想像中嚴重, 如果唔係都唔駛直接做IVF啦!

 

點都好啦!依架都排到IVF啦!!

因為IUI機會低, SO唔會返DR SO到做第二次啦!

 

接下來就係做運動調理身體!!

同埋睇中醫CONTROL卵巢衰退既問題!

同埋依半年要努力讀書!!哈哈!

 

各位BLOG友我正式加入IVF大軍啦!