明天就要照輸卵管心情真係有d忐忑不安!!
睇左一d blog友既經驗, 知道係會痛!!
但係最擔心都係個結果, 如果真係塞左點算??做IVF??
我明天一個人真係好難面對!C6要返工陪唔到我啦!
我都明白要照個個始終係我!好多野我都要自己牚到底!!
睇左好多BLOG友都話偉澤蘇醫生幾好, 我都的起心肝打左去預約免費諮詢!
約左2月4日同我睇鄧醫生係同一日, 希望可以就到時間啦!
因為我真係唔可以成日都請假啦!
其實我開頭都冇諗過咁快要開始睇不育治療!
應該要下次睇埋鄧醫生睇佢有咩advise先作決定!!
但係我個人就係咁急!(明知急唔黎!!)
不過早d了解下都好既!
如果萬一真係要做, 都可以睇下3月可唔可以開始!!
都係個句我真係唔想再等啦!! 
我結婚後就想即刻有bb, 可惜與C6努力左半年都冇結果.
而我係有經痛, 仲要痛得好勁個隻, but由細個有m開始就痛!so普通西醫就話冇咩問題, 都係開止痛藥比我食!!直至去年7月同事叫我不如去婦科醫生到check下!!因為我從來都冇照過u/s.
於是book鄧醫生都等到9月初先有得睇!!
一睇先知有咁多問題!
上網睇左好多相關既blog好多都好感人!!
其實走上不育路本來真係好孤獨!!
不敢向家人或朋友透露太多, 怕他們會膽心!!
所有既藥,針, 檢查都是自己未試過!
要面對的恐懼真的很多!仲有時間, 精神與金錢既無盡負擔!!
在blog上看到很多blog友互相扶持, 真係比到我們這群辛苦命的人一絲絲安慰!!
22/1係睇鄧醫生前一日m就黎左!
真係好失望!!!
好難面對!
差不多所有條件都好好!點解都唔得呢???
其實上一個cycle我都已經問鄧醫生使唔使check下輸卵管, but佢話check輸卵管要係經黎後10日內, 上次睇佢時已經過左!
唉!點知今次又唔成功!so佢都寫左紙比我今個星期五去check輸卵管!!
都要睇個report先決定到下一步做d咩!
依加都係食緊兩粒排卵藥試埋今個cycle!!
其實對於今個cycle都好冇信心!
只希望有奇蹟出現在我身上!
M小姐還未到!
But個肚就鸞鸞痛左4日, 究竟係經前痛呀?定係定係……………
真係好疑惑!!唉!!依兩日真係好難涯!
不過我都知係經前痛架啦!如果唔係點會咁準係經前就開始痛呢??
唔好咁樣折磨我好嗎!!!
But都係唔成功!24/12我m黎左!真係有d失望!!
5/1再去見鄧醫生, 今次照到左右卵巢各有一粒成熟卵子, 都要打 3支增厚子宮內壁既針!
我問醫生, 不如check下輸卵管有冇問題得唔得!因為連增厚子宮內壁既針都打埋, but都唔得!我真係好膽心!
不過醫生話check輸卵管要係m黎後10日內check, 依加已經過左時間, 如果下次都唔得先再check!
今次多一粒卵係唔係多一個機會呢?
所有野都釣住釣住, 真係好煩!
突竟應否對今次撼希望呢?
因為真係好怕再一次既失望!!
唉!我都知道依條路唔易走, 成日同自己講要勇敢d面對, 但係真係好辛苦!
阿爸叫我新年返鄉下睇中醫!其實睇下都好既!不過又唔知今個月既結果, 如果bingo左就一定唔返得去啦!so都仲係15, 16唔知點!but新年機票又難買d, so真係好煩!
