Day 22 的心情

上星期其實身體都冇咩特別反應, 係個肚既兩邊有時會有少少”且”下!

不過大便有兩日都去得唔順 / 去唔到, 搞到個肚好脹!

依兩日又好似好左d!

 

其實我係比較奇怪, 我係排卵期, 乳頭就好敏感. 但m黎前我係冇谷胸既感覺架!!

唔知有冇其他人係同我一樣呢??

 

我上 一個月day10就已經乳頭好敏感(即排卵)唔怪得知day26就黎m啦!!

不過上次唔知點解會咁早排卵既呢???

 

算啦!唔理啦!向前看!!

 

其實仲有個幾星期就知道結果!講唔緊張就假啦!

 

我今次忍唔住睇左d bb衫, 真係好想買, 不過都忍住!!

又係到諗如果ok左要點搬屋……點安排請工人, 叫阿媽&奶奶黎睇住bb!!

實在諗得太多啦!

 

我都叫自己唔好plan太多…….因為真係驚自己會好失望!接受唔到囉!!

 

星期六去同老公去左睇黃醫師, 因為佢會放2week假, so星期六拿拿聲去左!

我同佢講個肚好脹, 有時去唔到廁所, 佢話依d都係之外d藥&針既反應!

佢開左6劑藥話幫我”痴膠水”即幫助著床!!

 

當然佢都叫我唔好食涼野, 唔好做劇烈運動!

今次同老公一齊去睇, 佢都有聽到醫生既分付!

以次通非都係我自己去睇醫生, so佢都唔知, or都係我話佢知, 但當然唔及得聽到醫師講好啦!

 

今次佢真係識得多左依d知識, 仲話我食蘿蔔涼, 叫我食少d!!

都算係進步, 我都好開心!

今個星期希望可以盡量輕鬆地過啦!!

DAY 13 的檢查

星期六10點就去到鄧醫生診所, 姑娘話仲有9個先到我!

wa!!咁即係最少要等2個鐘啦!

 

於是我去左行商場到11點半先返去!不過如我所料真係要到12點左右先到我!

 

入去見醫生後即照, 見到有一粒1.8cm, 一粒1.7cm, 仲有兩粒1.3&1.5cm.

醫生話1.8&1.7都有機會,

於是同我打排卵針, 其實鄧醫生打針手勢真係好好!一d都唔痛, 不過我發現依支排卵針係打完一日後, 打針個位就有少少痛!

 

又問我要塞藥or打針, 我都係選擇打針!

 

佢叫我8月11日黎驗孕, 如果唔得下次就要打針谷卵!

不過講真如果真係有下次, 我應該會去睇蘇醫生, 因為蘇醫生始終係生育科專家!

另外鄧醫生又講我fsh高既問題, 不過都係叫我keep住睇中醫食中藥!

 

我冇將星期五蘇醫生講既野問鄧醫生!因為我覺得既然選擇左睇就信啦!

鄧醫其實都係好醫生!咁點都試埋今次先啦!

 

其實今個cycle已經過左一半, 雖然fsh係高, 不過day13都照到2粒1.7&1.8cm既卵而且內膜都有0.8多d, 醫生話已經係最適合受孕既環境!

so我都唔明白fsh高對我既影響係咩?!

 

似乎依架最大問題係驚有黏連!

不過唔理咁多啦!亦都膽心唔黎!

希望上天今次可以比個機會我做龍媽媽啦!!

 

希望重燃

上星期尾真係有好多事發生!!不過總算係好既多d!

 

星期四時突然收到偉澤姑娘電話, 話蘇醫生星期五得閒約我星期五早上9點見!

Wa!真係黎得好突然!我老公又請唔到假, 得我一個都唔知去唔去見醫生好?!

不過我老公話叫我一個都見左醫生先!

於是急急地請假!

前一日都有少少緊張, 因為好怕醫生話我情況好差!!

 

個朝繁忙時間係九龍塘&旺角轉車真係想死!!人多到不得了!

係候診室, 我似乎係第一個到, 之後陸陸續續就見到其他睇醫生的人!

我大約等左半個鐘!之後就見蘇醫生!

 

佢睇左我既病歷, 佢問我知唔知點解之醫生要開排卵藥比我食, 我唔識答!

佢話我經期準又有原發性經痛, 應該係可以自然排卵!

佢睇左我舊年做腹腔鏡手術既相一陣, 又問我做咩要做手術, 我話內膜移位!

跟住佢話d相佢睇唔到我有內膜移位, 不過就真係有黏連, 清除左本身對懷孕係有幫助!

不過係要係一年之內, 之後就好大機會復發!不過個手術都會有破壞性, 佢話亦有可能因為手術令卵巢微絲血管塞左, 血液不循環而引至FSH高!

又或都本身個LAB唔係做開依D TEST數據不準亦有可能!

另外講到卵巢多囊, 佢話如果以下3樣野, 仲左兩樣先介定為卵巢多囊:

1. 經期不準 (我經期都幾準)


2. 雄激素過高, 有過多既毛髮 (醫生唔覺我有)


3. 一次過有10幾粒卵…..(我上次到鄧醫生到照都係得幾粒卵, 冇10幾粒咁多)

所以蘇醫生唔覺得我係卵巢多囊!仲有佢話卵巢多囊同FSH高唔應該並存!

佢同我解釋得好詳盡!總結黎講佢話我有2個問題要面對:

1. FSH高, 佢未同我照過都唔知咩情況, 佢話M黎之後照就會睇到個卵巢, 其實一睇都可以知道卵巢存量!


2. 黏連唔知有冇復發, 照超聲波亦睇唔到, 亦唔清楚內膜移位的情況!

最後佢SUGGEST我可以盡快試左IUI先, 趁手術後未到一年內試!

因如果有黏連就要選擇IVF!

佢又話當然我可以同先生傾下先, 如果選IVF亦得, 不過IVF當然都係睇個個CYCLE既情況而做啦!

 

見完蘇醫生, 感覺佢真係好PROF……其實我當然係選擇IUI啦!因為我排左瑪麗10月都見醫生啦!如果須要做IVF都留係瑪麗做啦!慳返10幾萬先啦!

見完醫生見仲早, 即刻去睇中醫做針炙, 唔好浪費今個CYCYLE.

因為星期六DAY13我約左返去鄧醫生到照卵子!

其實我心裡係到想如果照到多卵子, 係唔係可以唔理FSH高呢!

因為我都排到卵!

不過星期五晚都有少少緊張, 因為真係唔知星期六會照到D咩!!

針炙+遲醫師

噖日知道FSH指數又高返時, 真係成個人好冇心機!

連做野都冇心機, 好想快D走!!

不過都涯到放工!

 

因為噖晚一早BOOK左黃醫師做針灸, 於是都照去睇先!

我話佢知FSH高到13, 佢把脈後安慰我話唔駛太膽心, FSH只係參考!

跟住就做針灸, 醫師話我都好定…..其實當然都有少少痛不過都OK可以接受得到!

不過做完隻左手真係好痺吓!!

 

今朝就一早去睇返遲醫師, 不過今次開助孕丸& 健脾果粒, 同我以前飲自己煲個D唔一樣, SO我都真係唔知係唔係可以針對我既問題!

 

不過醫師話健脾果粒係有安胎成份!如果真係唔得就NEXT M黎第二日再去睇佢!

可能醫師係要一個個CYCLE開藥啦!依架都冇咩辦法啦!唯有信佢咋!

出師不利?

星期四突然收到診所姑娘電話, 話我星期二抽既血驗FSH指數, 隔過夜唔得, 要抽過!!

唉!搞到我星期四要突然早走…..真係幾麻煩!

 

今日收到報告, 姑娘打電話比我, 話卵巢功能差左!星期六見醫生先詳細講!

我問咁FSH即係幾多, 佢話13點幾……唉!真係好灰!!

 

我早年半驗10點幾, 食中藥2個月, 去返7點幾!

依加點解會升到13點幾……

姑娘問我係唔係仲睇緊遲醫師…我話已經冇睇啦!轉左第二個醫生!

 

不過上次就係食左遲醫師2個月藥就降低左FSH到7點幾!

SO搞到我想即刻返去睇遲醫師…..不過要BOOK佢好難!

依加唯有明早8:30前去到, 睇下有得睇啦!

 

今晚仲BOOK左黃醫師做針灸,  唯有都照做啦!

 

聽到個指數又升左真係好唔開心!

雖然我CHECK到都覺得唔係好樂觀, 不過真係比較難接受!

但係早D知道都好既起碼可以對症下藥, 希望可以快D好返啦!!

 

各位SISTER我想問下FSH過10的話QM係唔係唔會幫你做IVF架?

新開始

7月11日突然來M, 真係將我殺個措手不及!

 

因為我前半年M期都好準, 應該14日來才對!

不知為何突然早了3日!

 

不過早來早開始都好既!

今個CYCLE想返鄧醫生到睇, 冇得做IUI住……

就想還原基本步, 試返排卵藥!同埋想抽埋血CHECK FSH指數!

 

不過其實好膽心FSH指數, 唔知好唔好!

但係都要面對!!

 

DAY1打左去鄧醫生到, 約左DAY2見!

噖日去到都要等個幾鐘…..都算快架啦!

醫生幫我抽血手勢好好, 一D都唔痛!係自己開頭有D緊張啫!

不過抽完隻手就真係冇晒力囉!!

一樣係食2粒排卵藥, 食5晚!

 

雖然我都知道, 食排卵藥幫助不大……不過又好似好過咩都唔做!

SO都係決定又再試下啦!

今個星期要開始做多D運動……每日跑步OR行石春!希望KEEP到啦!

咩都BOOK!!咩都睇!!

上星期四係咩醫生都BOOK唔到期既情況下, 得到BLOG友介紹BOOK左仁安周醫生終於都有個期可以等下, 不過排到去12月29日, 真係仲有半年!

 

不過有個BACKUP有了期咁等都好過冇了期啦!!

 

星期六去左佐敦睇個中西醫, 點解我叫佢做中西醫呢?

因為佢讀西醫先架, 之後考埋中醫牌, 同埋佢阿爸期實係中醫, SO佢D中醫係祖傳架!

我都係講晒D病歷比佢知……

因為佢有讀西醫, 希望佢真係可以幫我中西醫結合咁睇啦!

 

佢幫我把脈話我脈搏幾好!而且依加已經係排卵中期, 佢就唔幫我做針灸住, 廢事刺激佢!

開左四劑藥, 我估主要有安胎成份, 要$360, 其實都幾貴!

 

星期三晚又要返去再睇去!

其實我今個CYCLE用紅D係咁CHECK都CHECK唔到有深粗, 連少少色都冇, SO好似都冇排卵……唉!我都唔敢有期望!