估不到大年初一, 我又要面對新cycle!
Day 33 M小姐就趕黎趁新年熱!
其實每次M黎都有少少失落感!
雖然明知希望低, 但每次面對的失落感並沒有減少!
雖然係咁年一樣要照過!!
新年期間出席大大小小的朋友聚會!
見到好多大大小小的小朋友!
難免有小小心酸!!當然心酸自己的境況!
不過總算都克服到!
放開左同d小朋友都玩得好開心!!
又同d媽媽朋友講下生仔經湊仔經!
雖然我未用得住, 不過都傾得好開心!
希望我可以好快用到啦!
今日初八開工啦!
希望一切都順利啦!
黎緊2月工作會好忙!
真係要加把勁!!
之後又plan左3月中去北海渡!
因為老公話開始ivf之後應該有排冇得去旅行, so想係之前去左先!
都好既忙完2月就去release下!!
噖日要做一年一度既performance review, 大老細們又想我返大陸工作, 
其實返大陸工作前景真係好好多, 其實的大佬細都唔係第一次咁睇得起我, 舊年都有問過我去唔去!
當然係比我reject左! 今年又繼續問! 當然都係比我reject, 因為BB大計實在重要過我的前途好多!!
之後老細幫我諗左個方法應付大老細, 叫我負責韓國及台灣既野, 咁最多都係出下TRIP而唔駛STAY係大陸!
希望行得通啦!到時就見步行步啦!
由於我會有個TRIP係5月去廣州, SO我就膽粗粗同佢講左我5月做IVF, 佢聽完即刻叫我唔駛去個TRIP!
我當然覺得GOOD啦!
同埋我同佢講到5月可能有一排要遲返少少因為要去瑪麗打針, 同埋之後可能請幾日假休息!
我老細竟然話幾日會唔會太少, 應該好好安胎先啱, 唔好走黎走去!
哇!我真係冇估到佢會咁講!
我話我聽人講放左胎如果身體冇唔舒服都可以返工!
佢話咁到時可以HOME OFFICE!!
哇!我緊係想啦!!
其實真係好多謝佢咁體諒!
之後佢又講原來佢舅仔都好過IVF, 好似係D精太弱, 不過都唔成功!
我問佢仲有冇再試, 佢話冇啦!
因為依加佢地已經40幾就50啦!
而且佢舅仔做生意生活實在太忙啦!
可能因為佢舅仔既事, SO老細都可能對IVF知道多少!
所以比較諒解啦!
講左出黎我都舒服左好多!
希望之後既TREATMENT都一樣順利啦!
今日已經係DAY30前日開始已經有作M痛!
不過M小姐暫時都未黎!
雖然好想佢依個新年唔好黎!
但又唔敢有太大期望!!
點都好啦!!希望大家過一個開心的肥年!!
係到同各位拜個早年!
祝各位心想事成!
大家一齊快D做個靚媽媽!
生個肥肥白白的健康小BB!!
大伯的小b女出生剛好奶奶有一個多星期假, 可以去幫忙一下!
不過阿嫂係係佢娘家坐月, so我奶奶又話佢唔係好方便成日去!!
上星期奶奶就陪左我去睇岑醫師!
可能佢覺得大家都把注意力放在bb身上!
想關心一下我吧! 所以陪我去做針灸!
岑醫師個到d姑娘一見到我奶奶就話好後生!!
搞到我奶奶幾鬼開心!!
不過佢真幾後生架!!
奶奶係幾好, 不過佢之前成日問我:今個月黎左未呀?”
我其實係覺得有d壓力, 因為真係唔鐘意人成日問!!
不過佢個日自己講原來佢問係因為想就返時間煲野比我食!!
咁都ok既!
但係可以選擇當然唔想有人成日問啦!
講真, 唔講咪即係未得啦!
不過我都明白奶奶既心急, 其實我自己仲急!
奶奶都祝我新既一年可以願望成真!
其實我都好多謝佢!
另外小b女出世後一路都唔知買咩比佢地!
因為我大伯佢地好簡約, 唔鐘意屋企多野!
阿嫂又話已經準備好d衫仔用品,
又怕買左佢地唔鐘意, 又係冇用!
不過小b女出世好細粒, 阿嫂買既厚連身外套, 太大件, 手穿唔到入袖到!!
其實依件有d浪費, 因為下年冬天又會太細件, 著唔到!
不過有時係好難預!
同埋原來佢係淘寶買, 比我大伯知道, 即刻話唔知有冇有害物質!!都係有d擔心!!
佢又坐月唔方便出去買!!
於是我就可以去買比佢地啦!
有得shopping bb野真係好開心!
最近好多bb衫店都做sales!
不過要買到啱細粒bb的衫選擇不多!
最後係chicco買左56碼, 薄連身衫!
同埋係chickeeduck 買左羊羊係列59碼的厚連身衫!!
雖然係駛錢, 不過駛得好開心!!
買完真係好有滿足感!
仲有噖日day15終於check到紅d有兩條線!
都放心d!
希望可以回覆正常啦!今年有個好開始!
我老公哥哥個小b女係聖誕正日開刀出世!
真係幾特別!
之前睇住阿嫂個肚一路大, 當然好羨慕!
同埋無可否認, 覺得好心酸, 辛酸!!
心酸自己努力左咁耐, 身心都受盡折磨, 為何還是未有結果!
成日問幾時到我!
同埋有時係覺得唔知點面對依個世侄女!
聖誕當日睇到出生幾小時的小bb實在覺得好奇妙!
一星期後有機會一撼小b女, 感覺更覺震撼!!
之前所想所懮都暫時放於一旁!!
或許這就是小bb的吸引力!
唔知點解依一撼令我放下左好多野!
個種感覺唔識講!!
點都好啦!
嬸嬸都祝小bb可以健康快樂成長!
