舊年5月的IVF失敗之後, 7月緊隨進行FET, 還記得當日打著8號風, 我都獨個兒坐的士上QM抽血!!就黎開彩前幾日, 個胸有D痛, 以為會有機……..不過天意弄人, 上天都係冇比機會我!
係好DOWN同唔想面對的心情下, 就好少上依個BLOG, 希望暫時將依件事放低!!同埋我9月MASTER又開學公司又多野做, SO時間又真係過得好快!中間就只係睇下中醫, 做下針灸!
本來QM安排1月做第二次IVF, 不過我老公1月要出差……於是推遲到3月開始! 不過我M, 2月底黎左, SO2月底開始打針!今次針的劑量加左全部打300ML, 不過最終吳醫生幫我抽到6個, 可以用的5個, 4個做到胚胎, 不過GRADE就仲差過上次, 上次都有1個GRADE1, 今次放兩個都係GRADE4, 結果同上次IVF一樣, DAY27流啡, DAY28都見紅.
依條路真係好難行!有時自己都唔知點算好!仲有2個胚胎, 我估質素都係麻麻!好唔好4月放胎呢??!
因為5月中有MASTER考試, 又擔心考試唔知有冇影響!但又想快快放左算啦!
係依條路上花盡金錢,時間, 心血, 都唔緊要!不過當身與心都被傷盡時, 我自己都唔知點面對!!我問個天點解要咁對我, 我究竟做錯咩事!!每日誠心拜觀音, 但結果都係咁!!我唔知我仲可以做D咩上天先會看顧我!!條路真係前路芒芒!!
係放胎時我仲去安慰其他同路中人, 但當面對失敗的痛苦, 自己就變得多麼脆弱!!!