再驗卵巢功能!

上星期四m小姐來了!

So星期五又去見鄧醫生!

今次要食3粒排卵藥, 加強藥力!

另外醫生話我都食左中藥2個月啦!不如再抽血驗卵巢功能, 我話好呀!於是當日就抽埋血!

今天姑娘打比我話個report出左係7.86已經降到合格水平!!

估唔到d中藥真係有用woo………..

Day 1

迷底今日終於都揭開了!

M小姐黎左!

又開始一個新cycle啦!!

Day 31

今早8點幾回到公司後突發現下體有野流出, 去洗手間check一check發現是小量啡色的東西, 我不以為意以前是m第一天!

但已回到公司又不方便8:30去睇遲醫師, 我try下打電話睇下下午有冇waiting list 可以等, 點知姑娘話我係醫生特約(因為醫生叫我m come第一日就去睇佢)可以比我2點睇!!

去到睇醫師時我話比醫師知我今早有啡色野流出, 但之後又冇野流出!我開頭以前係月經, 但又有少少唔似我平時!

醫師幫我把脈後跟住就恭喜我, 話我有左!本來以為冇希望突然又比一個希望我!

但醫師又補充有60%係有左, 因為喜脈同月經時既脈係好似!!

不過都係開左7劑安胎藥比我!佢話點都要當有左黎調理!!

我個心都七上八落, 驗孕棒驗左係冇, 但醫師又話有機會係有左!

我返屋企之後再用驗孕棒再驗多一次, 都係冇!!唉!!

返左屋企都有流一兩次啡野!依d係唔係m黎架?!

明早都唔知返唔返工好!?

依加唯有見步行步啦!

明天睇鄧醫生應該會知道結果!!

Day 29

繼上星期五驗左一次孕, 今晚雖然知道機會細, 但m未來都即管驗多一次!但奇蹟並未有出現!

唔通因為食中藥既關係搞到我m既週期由26-27日變成30幾日??

唯有面對現實下個月再努力啦!!

Day 24

今日個肚痛的感覺, 真係好似以住m黎前一星期的痛!!

那是否意味著今次是失敗呢!!

Day 23

 今早終於睇左遲醫師, 佢開左7劑藥!

佢話如果有左可以安胎, 就算未有都可以調節賀爾蒙!!

咁都好d即係點都可以食啦!!

唉!依加心情都係好忐忑不安, 真係好想快d知道答案!

但係仲要等多個幾星期!

成日都好想話比自己知唔好抱咁大期望, 免得更加失望…………但係都係好難說服自己!

個肚有時又有少少”且住””且住”咁, 到底是月經前夕痛還是有bb初期的反應??

卵巢功能略退化??

星期六去了見鄧醫生, 第二次的驗血報告都出左!

但係結果都幾差, FSH賀爾蒙指數要細於10卵巢功能才正常, 但我驗出的結果是10.13, 醫生話係卵巢功能略退化 . 佢話西醫冇得醫, 叫我睇中醫調理!我話我已經有睇開遲醫師, 鄧醫生話佢都知遲醫師, BUT佢冇COMMEN 遲醫師好定唔好!佢寫左我卵巢功能略退化&黃銅體不足係張紙到, 叫我比遲醫師睇!另外19-21日要再去驗黃銅體!

之後就照超聲波, 睇下食排卵藥的成效, 照到我右邊有2粒卵子都幾成熟, 有2.4&2.5CM, 佢話我有機會生雙胞胎,唉!如果有一個成功我都已經好開心啦!唔好話雙胞胎咁貪心啦!! 之後佢就幫我打支針係個肚到, 話打就打, 都冇時間比我驚!支針打落去就唔係好痛, 但抽出黎個下就真係好痛!!

醫生話打完之後我會係星期日下午左右(24小時後)排卵, 之後當然我地要行埋先得啦!仲約左29/10再睇, BUT如果M黎左, 就要即刻再約第二日睇!

打完針後成日覺得個肚脹住, 都幾辛苦!

睇完之後真係好膽心!FSH又偏高咁多壞因數!

話比C6知打針落個肚到, 佢都覺得好得人驚!

佢話我太過緊張, 同埋又質疑食咁多中藥有冇用!

唉!有時我都覺得好難受, 根本無人理解我既感受同無奈無助!!

上討論區睇別人分享做IVI & IVF的經歷, 睇完個人就仲更加灰D!!

我都好想話比自己聽順其自然, 唔好比壓力自己!但是真的很難做到!

M小姐來了之後

昨日M小姐來了, 想不到又是一個折磨的開始!

放工回家後, 肚就一路開始痛!!

我於沖涼時, 開始冒冷汗, 想暈, 心知不妙, 於是草草沖了就算!

立即穿衣, 倒狗糧比我兩隻狗食, 之後直衝入房瞓, 但個肚依然係到痛!!

得一個人在家真的很危險, 真係暈左都冇人知!!

今早已好了點, 於是8:30到葵芳去睇遲醫師, 開了10劑藥!$870真係幾貴!

遲醫師寫了一日假比我, SO今日唔返工啦!

之後去了荃灣抽血, 又要$620...........

M 小姐終於到了

 

雖然有點失望, 但還須繼續努!!

M 小姐遲到第五天

其實最開頭都知道這個月仲的機會不大, 但因m小姐遲遲未到, 我們就開始有期待, 誰知昨天的驗孕棒結果一下子又把我們打沉!

現在期實都很矛盾!

M 小姐遲到第四天

昨晚老爺的生日有40多人來參加, 我和C6沒有回自己屋企睡!

中午回家後, 突然想起可用驗孕棒check一check……………

在等待結果的5mins我滿身是汗…………但結果顯示沒有懷孕!

那為什麼會遲了呢?而且又想嘔?我一向經期都很準, 就算偶然遲了, 那種感覺也不是這樣! 到底是懷孕初期測不出, 還是子宮有異常???????

心裡有千個問題!

可是也只能等待, 起碼要late一星期後才去看醫生!!

 

疑惑

M遲了兩天還沒來, 但肚總是脹脹的, 有時又很想吐!

到底是真的有了, 還是只是遲了呢?!

心裡總是忐忑不安!!

正常我的m都很準通常都是26-27天, 對上 一次不準好像是很久之前啦!可能有1or2年前啦!

但是我又有這麼多不良因素, 懷孕機會應該底一點, 加上這個月的掛卵期撻病了, so有的機會就更底一點!

唉!我真的很怕希望越大失望亦越大!!

之前一心打算等m來了, 就按鄧醫生指示食排卵藥, 希望增加懷孕機會!

這個月與上一個月的不同就是由上一次m到後3天我開始連續飲了十劑調理中醫!

不知是否這中藥作怪, 引致經期遲了, 還是這中藥起到作用呢!!

我當然希望是起到作用啦!但又很怕失望!!

M 小姐遲到第三天

一直希望m小姐不要來! 心情真的很緊張!!

心裡一直叫bb你要撐落去! 但是否真的有了還不能確認!

但今天真的好勀, 一早和奶奶老爺&嫂去買今晚bbq的食物!

我的肚還是有點脹, 而且沒有胃口, 一直有想嘔的感覺!

但這麼快就僧有懷孕初期的特徵嗎?

驗血報告

星期六收到鄧醫生診所姑娘的電話, 說我的驗血報告出左了!

其中黃銅體指數不足, 只有9點幾!

姑娘話, 複診時醫生會再講解!

聽了心裡一沉!

為什麼會有這麼多不利因素呢!!

我上網check了黃銅體不足有什麼影響及治療的方法!“在月經中期，排卵過後，卵巢會形成黃體，分泌黃體素。黃體素有穩定子宮內膜，以利受精卵著床的功能。若是沒有受孕，在排卵後十四天左右，黃體會自行萎縮，停止分泌黃體素;血液中黃體素濃度驟降，子宮內膜因而崩解出血，就是月經。黃體素若不足子宮內膜不穩定容易早期流產或要來月經前出現斷續小量出血”

“黃體素一般吃兩星期就可以了，如果有流產經驗，也可以補充久一些，對身體也沒有什麼傷害，不過有時會有頭暈的現象”

 有藥食都好!

唯有等下次m黎再去抽血驗其他野!

&睇一睇遲醫師, 之後再食排卵藥囉!

依兩日個肚都好脹!

好想m快d黎, 快d開始療程!快d有成果!

雖然我都知唔急得!但係等待真係唔容易涯!!

Day 19

今日已經係day19, 一直都好緊張又心急!

每日都係到諗依2星期可唔可以快d過!

又冇心機做野!再係咁真係唔得呀!!

由食排卵藥到依加個肚都係有啲脹, 唔知係唔係啲藥既影響呢! 仲有依幾日個乳頭都有d痛, 以前都會痛but好似冇痛咁多日, 唔知會唔會有好消息呢!?

噖晚飲左一半碗柯膠, 之後上網睇到人地話初孕不應食補品, e.g. 當歸, 因為會令到子宮收縮………………咁柯膠唔知會唔會有問題呢?!

唉算啦!唔理啦!總之之後唔飲住啦!

約遲醫師waiting list又冇位, 都唔知星期一有冇位添!!

心亂如麻!!

上星期六去了睇婦科, 鄧鍚英醫生, 排了2個月先有得睇!去到仲要等多1.5hrs.

佢幫我照超聲波, 我話佢知我之前有幾個月都連續尿道炎發作,

佢照完話我有黃帶&子宮發炎, 要再做郭氏抹片檢查,

之後佢照到卵巢發現我有卵巢多囊症, 太多卵子爭住排出, 會影響排出卵子的quality, so比較難有bb, but我d 卵子只係有3mm又唔算嚴重woo………..

心情即刻覺得好沈重!!

 另外佢又話我有子宮內膜移位!

亦係另外一個難有bb的原因, but要醫好子宮內膜移位其中一個方法就係生bb.

醫生話要同佢對抗到底woo….

 佢叫我今個月再努力睇下會唔會bingo, 如果唔得下個月m黎第2日要食排卵藥!

仲要係特定時間去抽兩次血驗!

聽完以上既野個心真係好亂, 好想咸!!

但係我都叫自己要堅強啲!我一定要牚落去囉!因為我知道依架先係開始!

But今個月要bingo都幾難!依幾日正是12, 14, 16日, but C6又病左!

唯有等下個月啦!