一直未同奶奶講做手術的事!
其實亦暫時冇打算講, 於是星期六同阿媽請左兩日假返自己屋企, 同埋星期日晚返奶奶到食飯!
奶奶一見到我就話我做咩面青青, 果然利害咁都睇得出!
因為出院後一直流鼻水, 於是我就話少少感冒!
跟住佢就冇咩問啦!
其實都好多謝奶奶的關心!不過都係遲d先講啦!
今日book左中醫, 等左差不多2小時先有得睇!
醫師第一句又係問我有冇好消息!唉!我話我剛做完手術咋!
之後醫師開左d藥比我調理!我問佢花膠, 鹿茸食唔食得, 佢都話可以食!
仲要食多d有膠質既野!即係食多d花膠啦!!
今日返診所拆線, 都冇咩痛, 醫生叫我下星期一可以連膠布都拆埋!
我問醫生點解個肚仲係咁脹, 我話係唔係有咩問題!
醫生話係我d糞便未排晒!佢話做手術時已發現糞便多!
哈哈!估唔到係咁~不過我出院後都有大便架!醫生話可能我唔係好敢用力啦!同埋冇咩走動, 排便都係差d!
之後醫生開始講report, 我個胸個d係良性, 只係乳線增生, 開左d維生素B比我食!
括宮report都出左係息肉, 醫生話息肉都係會減低懷孕機會!
依架清左就冇問題!
我問醫生依兩日我都有排少少血, 咁係唔係經血!
醫生話佢都好難育定, 開左d調經藥比我, 佢話到時27/12就會黎經, 1月10日就排卵!
叫我好好把握依兩個cycle因為係成孕最好時機!
佢叫我自己try左依兩個月先!
雖然不敢抱太大希望, 不過可以做既我都會做!
依架都係要休息多d!!唔理咁多住啦!!enjoy依個星期的太太生活!
各位sister我返黎啦!!手術都好順利!!
我今日剛出院, 返左我媽咪屋企住呀!!
我都回復得ok, 已經冇咩暈, 傷口亦唔係好痛, 只係仲唔係好可以企得直個人!
因為驚拉到傷口d肉!
我之後一有時間就會寫返我入院既經歷同你地分享!
真係要多謝晒你地既關心!!
7點幾媽咪就陪我去到港安, 之後我開始做檢查媽媽就返屋企煲米水!
一早就做胸部造影及抽針!
胸部造影檢查要挾個胸, 真係幾痛下, 至於抽針當然都係痛啦!好在都頂到咋!
下午3點左右就入手術室, 係入手術室前我反而都冇咩緊張!
入到手術室, 姑娘話手術室比較凍, so比d暖風我, 有暖風個人暖左真係感覺好好多!
之後麻醉師打針, 姑娘又比氧氣我聞, 我唔駛數兩下就瞓左啦!
醒左時已經係手術室出面!
不過姑娘check我血壓時話我血壓低, 我心諗緊係啦!由朝到晚都冇食野!唔低至奇!
but我一向都有dd低既!
返左房瞓左一陣阿媽就黎左!
其實我都幾精神!好想食野, but姑娘話唔食得住only比我飲米水!
好過冇啦!當然姑娘話唔可以落床啦!
之後醫生黎左講解下手術情況, 佢攞左手術時影既相比我睇.
我其中一邊子宮黏連得好緊要, 根本睇唔到個邊既輸卵管!
醫生幫我電開左, 另外卵巢都有好多卜, 醫生都話電走左!
仲有佢發覺我子宮項好緊, 佢幫我整鬆左少少!
跟住佢覺得我子宮都係有d唔對路, so做埋括宮, 不過佢話要等化驗報告先知係咩!
仲有d血水積左係到, 佢又幫我排走左!
佢話好在我d輸卵管都係通既!
總之睇黎依個手術醫生見我有咩唔對路都幫我執返好!!
我阿媽聽左醫生講解後就話依個都係個大手術, 不過只要好好補下應該冇咩架啦!!
都好阿媽都識得咁樣安慰佢自己&我!我都安樂d!
當然之後我老公放工就黎左, 佢見我係咁叫肚餓想食野!都知我冇咩野!
都好放心!!
其實我係有少少頭暈, but唔落床就冇咩野囉!
不過最辛苦係11點幾時突然好想嘔, 不過又嘔唔出, 而且成身出晒汗!!
過左一陣我就瞓到就冇咩事啦!!
今日下午收到一位同事的來電, 起初她只是查問某同事為什麼由上海到香港, 後來她得知這同事是來頂替我去做手術期間的工作!
她得知我要做手術後, 都比左好多information我, 因為她早一兩年都做過類似的手術!
今晚同老公返左阿媽屋企食飯, 話左比阿媽知我要做手術, 我當然只係話係小手術啦!
好在阿媽都唔係超驚!
之後就留左係阿媽到瞓, 老公就自己返屋企!
依晚就真係瞓得好差o下!
雖然話唔係好緊張but依晚都開始緊張啦!
今日離做手術仲有4日!其實心情沒有緊張!
因為工作實在太忙, 根本沒有時間想太多!或許也是一件好事!
公司裡知道我做手術真正目的的同事只有兩位!不過講真他們不是過來人是很難理解我們的想法!
不過今天lunch我一位剛有BB的同事食LUNCH......
她去年11月結婚, 之後也發現要BB有點困難, 不過她靠食中藥BINGO左!!
因為她是我PROJECT TEAM的 MEMBER, SO我要找機會跟她就我要去做手術的事!
誰不知她知道我要做手術的原因後十分支持我!
還說當然趁後生生啦! 佢話好似佢咁算高齡生真係麻煩好多架!!其實佢只係大我兩歲咋!
聽到佢咁講我真係好開心!
原來有人支持真係會信心大好多架!!
我媽咪一向是緊張大師, SO有D咩事通常我都唔會即刻同佢講,
因為一講左佢一定會超膽心, 會膽心到瞓唔到, 直至事情解決!
所以都有諗過唔話比佢知我要做依個手術!
不過做手術的醫院比較近我自己外家, 同埋做完手術後我想返外家住幾日, 因為我家有3隻狗仔, 我怕佢地會唔小心整到我個傷口.
同埋外家有媽咪照顧, 煲野比我食都方便好多!
因此我應該都會係手術前一兩日話佢知! 至於奶奶就可能唔講住啦! 講真冇咩事我都唔想煩到人!
工作依然繁忙!
公司委派了一位上海同事來港暫時頂替我的工作, 不過這同事要等星期四才到港, so 暫時還未能handover手上的工作!
至於心情其實還算平靜, 星期六日依然忙於幫狗狗&屋企清潔, 及去奶奶家BBQ…..一齊如常, 好像沒什麼事發生的.
希望接下來的一星期都可以平靜地渡過, 不要太緊張!
決定左做手術後, 另一個問題係工作!
我公司7月份時大地震, 公司要搬去第二個國家, 香港都會KEEP, BUT就細SIZE好多!
我雖然唔駛被裁走, 可以留係香港繼續做!
不過公司由大SIZE TRANSFER到細SIZE依個POJECT本來係我BOSS負責, 不過最後連我BOSS都走埋, 要由我做PROJECT LEADER.
講真依幾個月都好忙!!工作量比之前多左好多!
特別12月將係TRANSFER既重要時刻!
不過我就係依個時間要做手術跟住休息2-3WEEKS, 真係有D膽心個PROJECT唔知會點!
不過我都唔會將自己睇得太重要, 公司冇左我都唔會唔得既!
唯有自私D咁諗啦!
前兩日同左現任BOSS D & S 講, 好在佢地都幾好人, 都係話我醫病緊要D! (雖然佢地唔知咩病, 因為我ONLY話做手術)
講左真係成個人都輕鬆晒!
先講下我同奶奶的關係,
我&老公每星期都會返我奶奶&我媽咪到食飯一次!
我同奶奶關係都唔錯, 我地大家都好客氣!
有時亦會約埋去行下街&一齊做YOGA!
其實我奶奶平時除左返工都冇咩節目, 我有時間都可以陪下佢既!
其實佢都冇咩野!不過老人家唔多唔少都會有D煩野!不過我都頂得住!
講到抱孫佢緊係恨到流晒口水!
不過佢之前既TARGET唔係我,
係我阿嫂!我老公個阿哥早我地幾個月結婚, 過左唔夠半年就有左, 不過流X左!之後就一路未有!SO我奶奶都好心急!不過佢又唔敢比太多壓力阿嫂!
跟住佢見我都就黎結左婚兩年都未有, 就開始向我依邊進攻啦!
當然我冇同佢講過我既情況!唯有話之前老公份工唔穩定, SO要考慮好多野未準備好!依加老公份工穩定左, 我地都想盡快既!
打發左佢!其實奶奶都係個句生仔都係趁後生!
我都好認同, 不過有時D野都唔係我可以控制到!!
真係有苦自己知!我自己都好心急!又唔可以同人講, 試左咁耐都未得!!
奶奶你既心意我係知道架!不過你比多少少耐性啦!
我知我好快就可以做媽媽架啦!到時你就升級做嫲嫲啦!
之前仲同奶奶&阿嫂去左買鹿茸, 奶奶隔星期煲比我地飲!佢都有出力架!!哈哈!
最近都係有好多喜訊圍繞我身邊的朋友!
上星期我中學同學剛生了個BB仔, 佢地今年初結婚都冇打算咁快生, 不過密月時就有左啦!
另外今早收到我老公個中學同學既Message話作動入院, 中午就生左個BB女啦!
講真以前聽到朋友有左都會有少少心酸!成日問點解未到我?!!!
依架就真係睇開左少少啦!!我都好鄧佢地開心!祝佢地既BB健康快樂地成長!!
另外當然都希望自己手術後都可以盡快有喜啦!!嘻嘻!
依幾個月都冇咩進展!
中間有返過鄉下睇過一次中醫!開左d藥!不過都係唔得!!
本來都冇咩期望一心諗住一月去見偉澤醫生, 睇下到時醫生有咩suggestion!
不過我book左鄧醫生係今個月11月19日做婦科檢查!因為已經大半年都冇睇佢啦!
佢check到我左邊胸粒瘤大左少少, 叫我去抽組織檢查吓!
當check到我卵巢時都係話我有多囊症d卵子互相競爭so quality唔夠好!另外都係有內膜移位, 佢suggest我做埋腹腔境手術, 清除黏連, 增加懷孕機會!
雖然係微創手術, 不過都要全身麻醉so都驚驚地!
我問醫生我內膜移位係唔係好嚴重, 佢又話唔係, but依個手術就可以增加懷孕機會!
開頭都十五十六唔知點!不過都係個句可以做既就做左佢啦!
另外我C6如果知道我因為想增加懷孕機會而做手術佢一定唔讚成, SO依加都唔敢同佢講得咁清楚, 只係話醫生suggest做咋!
有時我都覺得自己好可憐咩都要自己一個去面對!
各位姐妹做腹腔境手術有咩要注意呀?
吳伯瑜醫師
在努力了許久無法懷孕之後，許多人都想找醫師檢查看看自己有沒有不孕的可能因素，也有些人是已經做過了一些檢查，但是沒有找到無法懷孕的原因，想要知道還有沒有其它方法可以知道病因在那裡，在這裡，我把一般可能會做的不孕症檢查列出來，提供給妳做參考，如果能夠對這些檢查多一些了解，在與醫師的溝通治療上，多少會有一些助益。下面以底線標出的是基本上都要做的檢查，其它的則是看醫師認為需不需要。
女生方面
1. 一般性的檢查：這些檢查與不孕或是懷孕後的問題都有相關
- 超音波檢查卵巢的大小、子宮的構造：正常的卵巢在停經前平均是3.5x2x1.5公分，剛停經時是2x1.5x0.5公分，停經後是1.5x0.75x0.5公分，所以卵巢較小可能卵巢功能也有問題。
- 理想體重指標：BMI(體重/身高平方)最少應該保持在20-30之間，過輕或是過重都會影響排卵，使排卵藥效果減少，減少懷孕成功的機會，甚至會增加懷孕中及生產媽媽及胎兒的併發症。
- 德國麻疹抗體、B型及C型肝炎檢查、愛滋病毒抗體：這些會影響到如果治療成功懷孕是否適合的問題。
- 子宮頸抹片：如果已經超過了每年做一次的時間，最好先做。
- 血紅素或是血液狀況：貧血對懷孕有不良的影響，做試管嬰兒手術取卵也較容易出血。
2. 排卵狀況以及卵巢本身的功能
- 基礎體溫表：體溫表如果有高低溫雙相變化，而且高低溫相差有0.5度以上，絕大多數是表示有排卵的。
- 在月經週期第3天測血中黃體刺激素、濾泡刺激素、動情激素、泌乳素、甲狀腺刺激素：看看有沒有因素會干擾排卵，同時也可以知道卵巢的基本功能，如果使用排卵藥物反應會不會很好等等。
- 連續的超音波檢查：可以追蹤卵子的成長狀況，對藥物治療的效果，推測可能的排卵時間等等。
- 在月經週期第21天測黃體素：如果卵子成長不好，黃體可能也會長得不好，受孕自然會出現問題。
- 驗尿檢查黃體刺激素有沒有出現高峰，如果有，排卵在約12小時後可能發生。
3. 輸卵管或是腹腔狀況
- 輸卵管通氣、通水、攝影檢查：這些檢查是為了要了解輸卵管的通暢與否，因為自然狀態下，精卵結合是在輸卵管中發生，如果不通，要自然懷孕當然就沒辦法了，這些檢查對於可能有先天異常、手術過後，腹腔慢性發炎，子宮內膜異位的人是相當重要的。
- 腹腔鏡檢查：許多會影響到懷孕的腹腔問題，例如子宮內膜異位、沾黏、先天異常等等並不一定能由超音波或是其它檢查得知，這時候我們可以經由腹腔鏡直接看到肚子裡的情況，並且加以治療，進而達到懷孕的目的。
4. 子宮狀況
- 超音波檢查：可以看到子宮的外形、有沒有長腫瘤或是畸型、雙子宮、子宮中隔等等。
- 子宮輸卵管攝影：做輸卵管攝影時除了能夠知道輸卵管有沒有通暢之外，也可以了解子宮內部有沒有可疑的問題，不過這項檢查打顯影劑進入子宮內時，大部份的人都有相當程度的不舒服，如果輸卵管不通的話，疼痛可能更明顯，所以也是要有一些心理建設才行。
- 子宮鏡檢查：同樣的，子宮鏡可以經由陰道、子宮頸，將內視鏡置入，可以直接看到子宮內部的情況，這對於有子宮內沾黏、息肉、黏膜下肌瘤，子宮中隔等畸型而且不易受孕的人會是不錯的檢查及治療方式。
- 子宮內膜病理切片：可以知道內膜成長的狀況，簡單的說，也就是看內膜對於受精卵著床有沒有影響。
男生方面
1. 精子檢查：二至三次的精液分析，看看精子的數目、活動力，精液液化的狀況等等，正常精液檢查的結果如下：
- 精液量：大於2毫升
- 精子濃度：每毫升二千萬隻以上
- 精子活力：50%以上的精子可以往前游
- 精子外形：30%以上是正常的外形
- 白血球：每毫升小於一百萬
- 精蟲抗體試驗(Immunobead)：少於20%的精子有粒子吸附
- 精蟲抗體試驗(SperMar)：少於10%的精子有粒子吸附
2. 男性生殖器官的檢查：外觀正不正常，睪丸的大小，有沒有囊腫，有沒有精索靜脈曲張等等。
3. 血液荷爾蒙檢查：男生也有濾泡刺激素、黃體刺激素，另外加上睪固峒，這些也可以反應出精子或是精原細胞成長的問題。
4. 睪丸切片檢查：如果精液檢查異常，就可能需要進一步做切片，看看真正的問題所在，這個步驟一般是要由泌尿科醫師執行的。
前兩日我與c6係skyp的對話:
C6: friend x got a baby girl today
我: 又生多個女!
C6: yes.
我: 一個好字woo (朋友x之前已經有個仔)
我: good
C6: I guess good person should have the similar thing...so as us
C6: we have 好 +女 (我家有2隻狗女1隻狗仔)
C6: at home
我: enough?
C6: just need one more 子, then we have 好好
C6: agree?
我: 有冇咁理想呀!
C6: always think positve ma
我: 不過都要有後備方案呀!!
C6: what is it?
C6: 女 女 好...I'm still ok
我真係比佢個句I guess good person should have the similar thing...so as us 搞到唔知好笑定好嬲!
有時真係唔知我太灰定佢太樂觀!
其實我阿爸媽咪都知我有睇醫生想生bb!
佢地都好心急!
佢地成日都叫我返鄉下睇佢地識得既一個好利害既中醫!
我遲遲都未有返, 因返我鄉下要坐成個鐘機!
而且我成日覺得睇一次半次, 可以幫到d咩呀!
不過阿爸阿媽都係堅持係值得一睇!
另外返一返鄉下都要駛唔少錢!
依樣都係我其中一樣大concern!!
依加可能等c6搵到份新工再考慮啦!
不過阿媽上個月又係鄉下帶左3包中藥出黎!
叫我係M清左後3日用公雞煲黎飲!!
佢又話係好利害woo….d人飲左一兩次就得左!!
雖然都冇咩信心, 不過佢叫我試咪又試下啦!
我估都冇咩害既!因為前兩日我煲左, 其實都係當歸個d味!!
好耐都冇update個blog!
因為都係冇咩進展!!
M小姐今個月都係17/7來了!都幾正常30日左右!
今次來M之後, 我C6緊張左唔少!
以前佢有時係會唔記得左邊日係要交功課既日子!
今次係佢專登問我幾時要交功課!!
所以以前我成日都覺得條路好似得我一個人想行咁!!
真係行得好鬼辛苦!
有時做著緊D個個真係超辛苦!
不過可能C6既諗法係應該比D耐性試多幾次先!
始終生仔都係兩個人既事, 又唔可以唔理佢諗咩啦!
我都好想好似佢諗咁可以natural 到!
不過如果唔得都要搵幫手啦!
我只係驚太遲搵幫手咋!
另外7月我同c6的公司都有大地震, 我公司大裁員, 有一半人要走!而c6公司要cut acc. 都要cut人!!
我公司個方面, 我算好彩可以留下, 暫時唔須要揾工住!!
但我c6就未confirm做到幾時走, 都要搵定工!所以又有另一煩惱!!
所以前幾日我一直係到諗應唔應該繼續行依條求子求女路!
各位都知啦!經濟真係行依條路好大既Concern架!!
不過又驚第日真係有多d錢但年紀大左, 機會咪又細d!
So都唔知點!
唯有見步行步啦!
旅行後還是要面對現實!
上一個月的週期很不正常只有25天!
本以為今個月應該在旅行時M會來!!
誰知她還沒來!DAY29, 30, 31一天一天的過去!
令我們都有很大的期待!!
不過換來的都是殘酷的現實!
旅行後回家急急買來檢孕棒, 一CHECK我期待的第二條線始終未有出現!!
今天DAY32 M小姐終於來了!
以往我的CYCLE很穩定28-30DAYS為何這兩個月會這樣?
我以往M來前都會先有隱隱痛!而且全身乏力!今次又冇WOO…….
這些改變都令我們產生期待, 可惜是我們一廂情願!
接下來要作決定的事太多了!!
究竟要不要再試2-3個月呢?
要不要先預約偉澤做資詢呢?
要怎樣開口跟老公說去睇偉澤呢?????
要煩的實在太多!能解決的卻不多!!
一路都沒有update個blog, 因為一直都想逃避!
唔想自己諗咁多!!
而且我亦沒有什麼進展!沒有太多關於生bb既野可以同大家分享!
不過間唔時都會睇下其他blog友既update, 真係有好多好消息!
希望我都可以早日發放依個好消息!
其實我老公就覺得我太緊張, 太早去睇西醫, 佢覺得可以試多幾次先!!
不過同我既諗法就好唔同!!我就想快d!!因為都試左好多次都唔得, 加上之前都試左排卵藥成半年, 都未成功, so如果natural都唔知要等到幾時!!
不過都要尊重下我老公!so我停左睇西醫, 之前一個月都仲有睇中醫同做針灸, 不過針灸後, 我m黎早左好多日, 平時我係30日, 今個月得25日, 早左成5日. 所以唔知針灸係唔係有影響, 今個cycle連中醫&針灸都冇睇啦!!
唯有將心機投放係第二樣野到啦!!計劃去旅行!!
希望可以分散注意力啦!!
同埋要充下電!!
返黎又要再作戰過啦!!
最近一星期都比較忙, 要招呼法國黎既同事!!
以前從來都不覺得忙是一件好事!!
但在等待的過程中, 忙原來是良藥!!
返工時沒有太多時間去亂想!!
心也平靜了不少!!
可是法國同事走了, 一切又回復原狀!!
有事要做卻不想做!!心不在焉!!
復活節假期我睇開的中醫休息, 於是朋友介紹去深水步睇另一位中醫!
同樣一去到都係把脈, 佢都係話我寒, 唔好食寒野!!例如白菜, 介菜, 火龍果…….之後開左7日藥粉比我!!
佢話我做針灸係要瞓床, 不過床好full要2星期前book, so當日做唔到瞓床既針灸, 於是我就另外book左2星期後瞓床既針灸!
當日我都有做到針灸, 係唔駛瞓床個隻, only針耳仔!!醫生話可以幫助血氣運行!
針既時候都有少少驚驚地!不過見多好多阿太阿婆都係成個耳成隻腳都有勁多針!!佢地又冇咩野woo……….
醫師話我好緊張woo……….我話係呀
!!第一次做針灸麻!!之後醫師就話你以後唔針舒服, 你會愛上針灸!!!
原來真係唔係好痛, only開頭針你時有d痛, 針住既時候又冇咩野!!我都要針半小時!!
希望有d幫助啦!
Q﹕如何確定嬰兒夭折？
A﹕須符兩項醫學診斷，一是6星期或以上妊娠期的胎兒，胎囊大小必須2厘米以上；二是胎兒大小必須5毫米以上，並且已經沒有心跳，醫生在照超聲波後得出這兩數據，才可證實胎兒夭折。
Q﹕醫生診斷妊娠期6星期以下胎兒時，是否較難作準？
A﹕是。這時的胎兒，接受超聲波亦較難發現，孕婦若無其他流產徵兆，較難判斷是否流產。
Q﹕若無法診斷是否流產應怎辦？
A﹕可先接受其他醫生檢查聽取意見。醫生一般會安排孕婦隔一至兩星期後再接受超聲波，確定是否出現以上兩項死胎迹象。若仍無法診斷，醫生會以胎囊長大的程度判斷，如果胎囊數星期內都沒有生長，亦可判斷為死胎。
Q﹕若不及早取出死胎，會有何風險？
A﹕若即時出血及腹痛嚴重，或會有生命危險。但若孕婦沒有即時危險，一般死胎在腹中一至兩星期亦沒有風險，約有三至五成孕婦會自然把死胎排出體外。
Q﹕如何留意自己是否小產？
A﹕若懷孕期間出血，無論出血量多少，亦屬不正常，但未必一定流產。腹痛亦是另一指標。孕婦一旦出血或腹痛，都應接受檢查。
資料來源﹕婦產科專科醫生余啓文
依d資料都幾有用woo............
大家都要小心d啦!!
