噖日又打完曬針啦!
雖然個人冇咩特別唔開心!
不過今日成朝都係到作嘔, 周身冇力~
有少少似黎經前的預兆!
不過唔知係唔係噖晚瞓得唔好呢!!
So有依d感覺!
其實因為等待BB既來臨, 我既讀MASTER計劃已經一再推後!
今年初就突然係到諗, 不如唔好想咁多啦!
成日PLAN D野都未必實行到, 不如讀左先算啦!
因為如果唔讀, 之後應該更加唔會讀啦!!
老公問我如果讀讀下有左, 咁點麻?
其實依一點我都有考慮到既!
做法都好簡單, 到生個個學期就停學囉!
生完又拿拿聲讀完佢啦!
雖然知道會比較辛苦!
但係真係唔知何日B會來, SO唯有讀住等啦!
之前同舊同事食飯, 講開我讀MASATER既事!
佢地都話佢地讀MASTER時都見過D大肚同學!
大家都一樣順利畢業!
希望我都做得到啦!
等下等下, 估唔到明天就開學啦!!
心情都有少少緊張, 畢竟已離開校園有10年啦!
希望我既BB可以乖乖陪媽媽讀書(胎教!哈哈!不過可能對佢黎講太深!!)
同埋見證我畢業啦!
今個cycle day3先去睇鄧醫生!
因為我係day1晚上9點半先黎M, 而且之前book左 day3早上驗孕, 依架就唯有轉做睇佢啦!
今次黎既M量係平時既DOUBLE, 可能係打左加強黃銅體針既影響啦!
講返去睇鄧醫生, 個日都等大半個鐘!
入去話比醫生知又衰左!
醫生突然間講, 我前一個病人, 係一個好特別既CASE, 係英國睇鄧醫生個師父, 不過FSH好高, 高到IVF都做唔到, 不過係英國間醫院隔離有間中醫, 個病人就去睇中醫食中藥做針灸, 之後再做IVF, 依加成功左!SO醫生叫我唔好放棄!
得到鼓勵信心又返左黎D啦!!
今次一樣食兩粒排卵藥食5日!
今個星期一DAY14又返去睇鄧醫生!
又再照, 好在都有一粒1.8以上既卵泡……又可以打排卵針啦!
之後都係開左3支幫助黃體銅既針!
今個CYCLE都係去睇黃醫師食中藥&做左2次針灸!
不過今個CYCLE就冇再量體溫啦!
因為開頭真係好冇心機!
不過唔量都好既, 好似冇咁緊張!!
上兩星期都超忙so遲遲未有updaate個blog!
其實知道失敗是有點傷心!
不過更傷心的是因為我與老公步伐不一致!
我本想上 一cycle失敗後就去睇dr so做IUI!
不過同老公傾時, 佢覺得我太急進, 佢覺得可以自己再試下等10月睇QM!
我當時真係覺得好傷心, 因為佢根本唔明白我既感受…..
係佢未同意之下我當然唔敢自己去BOOK做IUI啦!
於是今個CYCLE又繼續食排卵藥!
不過我地大家都有D讓步, 如果今次再唔得, 下次就會開始IUI!
其實上兩星期工作真係好繁忙, SO都冇時間諗咁多啦!
都係見步行步啦!
我以前係M黎前1星期, 都會肚谷谷, 覺得有D野扯扯下, 唔係好舒服!
係Day 23 的晚上就有黎M前一星期的感覺,肚谷谷, 覺得有D野扯扯下!
其實依種感覺真的一下子把我打沉!我知道今次又是機會渺茫!
或許這也是一件好事, 對我當頭棒喝!!令我不要有太多假想!!
令我可以慢慢接受這結果!
今次沒有哭過!但心痛卻難免!
為了令自己開心點, 噖日就不停上淘寶買野!!仲幫埋同事買!
要放縱下自己!!哈哈哈!!
因為黃體不足, 醫生問我要打針定塞藥!
因為我平時返工都好忙, SO我選擇打針!
其實以前食排卵藥時我都打過!
有3支針由DAY16開始每隔兩日打一支!!
其實自己有時真係好驚唔記得帶藥返公司放工去打!
由打針開始我D體溫就KEEP係36.7 OR36.8, SO D針係幾WORK!
不過希望一路都KEEP到高溫啦!
噖日打最後一針, 本以為打完LAST一針可以輕鬆D!
不過今朝, 突然覺得好空虛…..因為好似要做既都做晒!!
成日都覺得唔夠, 成日都好想再做D野黎助孕!
依種矛盾既心情我估好多BLOG友都會有!!
依家我都知冇咩可以做!唯有食埋黃醫師開既中藥……然後聽天意啦!!
