Yoga + Combat

其實由舊年, 年中到今年初都有做yoga + 跳舞!

不過之後就冇心機做啦!

上星期終於又開始返!

上左yoga + combat!

我個阿sir係可以每當比錢, so都好方便!

我依加通常一星期上 一日上2hrs!!

打combat真係出好多汗!!!

不過有時排左卵之後又唔知好唔好上!
因為真係好大動作, 又要跳!

都唔知點好!!

雖然都冇咩期望, 都係一心等5月ivf!

不過又有少少驚, 如果有機, 但比我影響到!

岑醫師針灸1

見咁多同道中人都book岑醫師, 於是自己都心思思想試下!!

打去, 不過冇人聽去左留言, 於是我留下聯絡方法!

到旁晚佢打返比我, 我話想約星期六, 不過冇晒位!

佢問我可唔可以lunch time出黎針, 我話我公司係新界, 過唔切黎!

放工過黎又太夜, so其實只可以星期六!

之後佢同我check左一論, 講10:45星期六, 我緊係得啦!!

不過係星期五佢地又打比我話有人想轉我個時間, 問我可唔可以12:45!

咁問題都不大!

So星期六就去左睇岑醫師!

我去到都好趕, 入去登記左, 都唔駛等5mins就到我!

係我睇過咁多間中西醫, 第一間係唔駛點等!!

真係好好!!

見岑醫師, 佢係咁話我好後生woo!!

其實唔知佢有冇睇清楚我幾歲呢?

因為我自己就唔覺得好後生, 都30有多,!

我講左我個情況比醫師知!

醫師話我好好彩, 內膜移位, 兩邊輸卵管都冇塞!!

佢問我有冇針過我話有!

仲問我針邊到!

其實佢都真係針得幾舒服!

不過我又不差於瞓著, 可能第一次啦!有d緊張!

我以前未試過針背部, 亦冇用電電&燒艾草!

不過加加埋埋又ok woo!!

我問醫師幾時再黎睇, 佢問我估計幾時下次黎m, 之後叫我下星期六又黎!!

今次針灸+5日藥$720

依架睇住岑醫師先, 下個月唔知睇唔睇遲醫師好!!

唯有見步行步啦!!

見好多blog友都同一時間睇緊岑醫師!!大家加油呀!!!

計劃未來半年

10月7日見完瑪麗醫生後, 知道要第5月先做IVF, 其實之後就係到PLAN依半年要做D咩!!

諗下諗下依半年真係有好多野要做!

想下個月去睇返遲醫師, 調理卵巢衰退既問題!

又要努力讀書, 因為上星期成個星期冇返學都MISS左2堂!

其實剛剛好讀到5月初考埋試就放暑假, SO5月開始IVF時間係啱啱好!!

同埋仲有另外一個重大工程就係想搬屋!

依加我住既屋比較細得兩房, 當然兩公婆係夠住啦!

不過有BB當然就係3房會好D, 因為又要請工人姐姐!又要預個位比佢瞓!

最好當然唔想大肚時搬屋啦!

SO希望係之前搞掂晒依D事, 到時可以輕鬆咁樣做IVF &大肚婆!!

 

其實一路做左咁多療程, 除左老公知之外就係我媽咪&細妹!

老公屋企人當然咩都唔知啦!

奶奶知我讀MASTER都有問我係唔係唔生住?

我當時答佢唔係, 只係順其自然啦!

依加我阿嫂都就黎生得啦!

SO大家既注意力當然都放係我身上, 問我幾時生返個!

話冇壓力就假既!

而且奶奶唔知道都好麻煩, 因為有時佢煲左D補野, 我唔飲得住, 有時又好難拒絕拒!

所以上星期六約左奶奶出黎食LUNCH講下D家事, 同埋講左我成個療程既經過比佢知!

其實我奶奶份人都唔錯, 對我亦好好!

佢知道我舊年年尾做手術後, 就話我當時做咩唔同佢講, 佢可以照顧下我丫麻!

我話其實之前都唔知自己情況點, 唔想大家咁擔心, 所以冇講!

佢知道我為左生BB做左咁多野, 佢都覺得好驚訝我可以涯過咁多問題!

之後佢都安慰我, 話我都盡左力啦!

其實同奶奶講完之後個人都輕鬆左好多!

因為有人明白同支持係好重要!

不過我都唔希望其他人知道, 奶奶就話會保守依個小小的秘密!

進軍IVF

6/10

晚又逃學!

知道HCG得2後知道未成功,

BUT因為作M痛好利害於是返左屋企瞓, M小姐係個晚10點幾就黎左啦!正式結束我第一次 IUI.

 

心裡難受當然有, 不過我只係哭左一次, 之後都覺得係天意, 唔好再難為自己, 令自己太辛苦!!

 

7/10

依日係我等左1年8個月去見QM醫生既大日子!

當然同老公食完早餐準時去QM啦!

 

去到S1交左錢$100, 跟住去S5.

度高磅重量血壓, 之後等左10幾分鐘就去見左醫科學生先!

佢其實係幫我RECORD個病歷, 等教授一陣容易D睇!!

 

之後又出去等左成個鐘, 之後入去見何柏松教授, 當然仲有3個醫科學生係到!

其實我地都唔係好介意D醫科學生係到!

見到佢地我覺得好搞笑!

因為教授成日考佢d學生, d學生又好驚青!

我有機會緊係問多d問題啦!

教授就叫佢地答, 有時佢地答唔出, 比教授話佢地有冇聽書架!

 

其實成個見面過程40-50mins都好輕鬆!

我地都冇好緊張, 我老公仲話何教授真係好nice, 唔似有d政府醫生咁好串!

我地走個時同佢講唔該, 佢又話唔駛客氣!

我老公就同d學生講香港靠晒你地啦!佢地係到笑!

何教授就話佢地都好辛苦架!

其實何教授唔知係唔係條頸有事, 我見佢個頭係冇轉過架!

 

好啦!講返我個case先!

之前一路以為政府會叫我試左iui先!

點知一去到何教授話我子宮內膜移位, 要做IVF, IUI成功機會低!

 

於是排左明年5月IVF!

(老公出去之後即刻講話, 我的個龍b計劃, 趕唔切lu!!不過如果有蛇b都好啦!)

佢話我卵巢衰退最好就緊係即刻做IVF啦!

不過政府係要排, SO唯有等一等!

我話佢知我做IUI谷到3粒卵!

咁佢又話又唔係好差WOO!如果有3粒卵佢都做到IVF架!何況我上次D藥只係FOR IUI打得好輕!

SO等半年應該問題不大!

佢叫我星期六返去照U/S, 後來我提佢我上 一CYCLE JUST FINISH IUI可能有水泡, 之後佢叫我NEXT CYCLE先黎照過!

我又問佢我既成功機會有幾多, 佢話40-50%.

當然中間都有問到好多問題!

唔知點解見完何教授, 個心定左好多!

可能有個日期等, 始終比無期咁等好好多啦!

 

不過返左屋企諗清楚就會知道, 原來我個情況係比我想像中嚴重, 如果唔係都唔駛直接做IVF啦!

 

點都好啦!依架都排到IVF啦!!

因為IUI機會低, SO唔會返DR SO到做第二次啦!

 

接下來就係做運動調理身體!!

同埋睇中醫CONTROL卵巢衰退既問題!

同埋依半年要努力讀書!!哈哈!

 

各位BLOG友我正式加入IVF大軍啦!

DAY29 無奈的

 Day 26  3/10

星期一同老公用skype 傾左兩句, 個時仲話係冇咩感覺!點知過左一陣, 就feel到強烈M COME FEEL!一整個下午都係!其實由放精後間唔中都有M COME FEEL!!

不過唔係維持左好耐!

 

Day 27 4/10

全日都有強烈m come feel,  同老公講左依個感覺佢叫我relax, 不過佢都我地都知可能機會唔大, 個日冇返學, 一放工就即刻返屋企瞓!成日同bb講要加油!

 

Day 28 5/10

噖日重陽節, 個肚又唔係痛得好利害, 去左沙田拜老公既阿爺阿嫲!

當然都有拜神! 因為唔求個天幫助, 自己都唔知可以做D咩!

M都沒有來, so我地以為有機會!

 

Day29 6/10

前一晚有點緊張, 我同老公成晚都唔係好瞓得到!

不過今日m仍然沒有來, 以為上天真的給我機會!

一早8點返去抽血驗HCG, 之後返公司返工!

到11點幾姑娘打黎話唔得,  HCG得2.

個一刻真係好失望! 亦未即時知道HCG2, 真正的意思!

 

 

係知道HCG2後老公其實唔係好知2係代表D咩, 仲問我有冇機會升返!

我話姑娘話唔得, 咁應該都冇咩可能!

 

上網CHECK左有以下資料!

懷孕判定

未懷孕 < 5.0

懷 孕 > 10.0

懷孕週數之參考值

3 ~ 4 wks 9 ~ 130

4 ~ 5 wks 75 ~ 2600

5 ~ 6 wks 850 ~ 20800

6 ~ 7 wks 4000 ~ 100200

7 ~ 12 wks 11500 ~ 289000

12 ~ 16 wks 18300 ~ 137000

16 ~ 29 wks 1400 ~ 53000

29 ~ 41 wks 940 ~ 60000

 

之後姑娘問我想繼續做IUI定IVF, 我話IUI, 我問可唔可以下個CYCLE做, 佢話我要照下先知, OR最好休息一個月!

 

依加我仲心大心細!請問連續OR休息一個月好呢?

 

其實明天就係第一次去見QM醫生的大日子!

我其實都好想知QM幾時可以開始IUI OR IVF……

真係等得好心急!

 

今日其實全日個肚都有小小痛!唔知M小姐到底幾時先黎?

今早確實有過一陣想哭的感覺, 不過到下午慢慢消化了!

還是那一句, 路慢長, 但仍須面對!!