因為星期二晚要返學, 返到屋企都好夜, so其實都唔係瞓得太多!!
不過就冇覺得緊張瞓唔到!
其實前幾日老公都有小小作感冒!
So都有d擔心丁丁既質素!而且我老公都有3年冇驗過丁丁, 對上 一次佢係冇問題!
But隔左咁耐, 就冇人知依加係點!!
我地8:10去偉澤, 之後老公入左間房交野, 我係出面等!!
等左唔夠10mins姑娘話我老公出左黎!
佢係到對緊名, 我見到個份量都唔小架!!
之後我地走左去食早餐, 姑娘叫我9:30返黎!
食早餐時老公話佢今日感冒嚴重左!!
其實我之前都估到佢可能真係嚴重左!
But冇計啦!!
都要繼續!
我地食完早餐老公就急急地走左返大陸做野!!
我就返去偉澤, 個時9:15左右, 我好急要開大!
我自己係覺得去清大先做都係好既!!唔駛之後去!
不過去大同時, 亦去左好多小!!
出黎時, 姑娘話有冇留返d呀!!
我緊係答有!
But查實係得好小!
於時我即刻飲左1.5柸水, 之後姑娘就叫我換衫, 入房休息!
我知我大約10點做, 入房休息到9:55左右我實在太急啦!
忍唔住問姑娘可唔可以去咁d!姑娘諗左諗, 問我去5秒得唔得!
我緊係咩都話得啦!!
於是即刻去廁所, 差d連廁所鎖匙都唔記得, 真係急到爆!!
雖然我想聽姑娘講去5秒, 不過我實質係去左8-9秒!
其實去左都仲係好急下架!!
去完廁所入返去就見到dr. so啦!!
姑娘叫我等一等就即刻入手術室啦!!
瞓上手術床, 之後周醫生, dr so, 同埋3-4個姑娘就出現左!
一下小個手術室好熱鬧!
Dr so 同我講話有小小唔舒服, 之後就插左舊野入下面!
其實可能佢手勢好好, so我都冇感覺到唔舒服!!
一個姑娘係我肚到搽啫里, 之後用個儀器壓係我個膀胱上, 
Wa!!個下真係整到我超急!!不過都話比自己聽要忍住呀!!
之後另一個姑娘就係到同我對名&身份証no!!
我又聽到dr so都係到對我個名&id no, 當佢讀完id no時佢係到大叫!!
話:哇!你個number咁好既!咁容易記既!!我自己都忍唔住笑左, 因為我個id no 係有好多個重覆number組成!!
之後真係越來越急!好想佢快d放!
等左唔夠幾分鐘我估佢地已經ready, 插左條管入去!當我係screen見到一點發光既野向前衝時!
Dr so & d姑娘就係到起哄, 話完成啦!!
Dr so 話已經向前衝啦!!
之後佢地好快將d插係我下面d野拔走!
佢地叫我休息10mins先落床!
Dr so又係到簽d文件, 不過佢突然同個姑娘講:你d筆都好冇出色!!
我真係忍唔住係到笑, 有時dr so真係幾風趣!!
令到我冇咁緊張!
之後佢又話我要打多兩針加強黃體針&10月6日可以check結果!
之後佢就走左啦!!
最後得我一個人係手術室休息!
其實我想問下老公d丁丁得唔得!
But我估dr so可能已經睇第二個症啦!!
好辛苦忍左10幾分鐘, 姑娘話可以落床啦!!
仲話可以走添!
於是我當然係去廁所先啦!!
不過我去左一半左右就停左!
之後再係佢地個休息房休息多25mins,
中間仲問左姑娘老公丁丁quality 點, 佢話volume ok, 其他都ok!!係normal冇問題!
咁都放心d!!
不過休息25mins後都係好急又去多一次廁所!
今次去完舒服好多!
我都唔明飲1.5柸水, 都有咁多尿架!!
姑娘比左個打針&抽血schedule我, 我之後都要照依個schedule返去!
同埋走前問左譚姑娘: 之後可唔可以同老公行埋? 姑娘話可以, but冇咩幫助!
得個知字都好丫!
仲有姑娘問我要唔要假紙!
有緊係好啦!不過我其實已經請左annual leave, 唔知可唔可以轉做sick leave呢?
返公司問下先!!!
本來想返阿媽到休息, 不過佢原來感冒, so又唔敢返去!
最後返左阿妹個邊(其實都係我屋企, 不過佢地有兩間屋住)
去到同阿妹食左個lunch, 之後去百佳買左小小餸!
就返屋企, 我就瞓左成個下午!
真係好須要好好休息!!
其實整個放精過程都唔係好緊張!
只係我估唔到1.5柸水會令我咁急!
係忍尿個下有小小辛苦!
之後個人都冇辛苦, 同平時一樣!
我其實想keep it as normal!令自己唔好諗咁多野啦!!
不過就會將動作放慢d, 盡量唔咁大動作啦!!
之後就真係要睇上天既安排啦!!
希望佢可以比個機會我做媽媽啦!!
(雖然寫得有點長氣, 不過希望將每個細節都記下!以防自己老人痴又發作!)
, 怕影響今次既treatment, 已經叫自己唔好諗咁多!睇開d!
