我要做媽媽之IUI

昨天忐忑不安了一整日!

 

因為好似要黎m, but又唔係!

到晚上流左好少啡, 就冇流啦!

不過要黎既始終都係要黎明

今早就真係黎左啦!!

 

今天正式要開始我要做媽媽之IUI!!

 

心裡始終有一絲絲難過!!

因為我始終還是要靠科學的幫助!!

ANYWAY只係一絲絲, SO我好快冇事!!

要面對既始終要面對!!

我要正面地面對!!

 

今早打電話回偉澤, 約了明早見醫生!

我老公簽文件的問題亦解決了!!

終於可以放心小小!

我有問姑娘可唔可以SEND文件比我老公!簽好我明天帶給她!

但姑娘話唔得!

一定要上去診所簽!

其實來來回回都約左幾個時間, 最後老公讓步明早同我去簽完先返大陸做野!!

不過就真係好辛苦佢走黎走去!!因為我地住上水, 佢要由上水去中環, 再返羅湖去東莞!

ANYWAY我地都要付出&要一齊努力!!

 

之後姑娘提我要帶支票, 佢話IUI Package 要$16000.

哇!比我想像中仲貴好多! 我見d blog友之前做都係10000左右!!

依加真係咩都加加加!!!!

 

仲有姑娘問我有冇check過傳染病, 如果冇, 又要抽血check!!

唔知係唔係又要另外比錢呢?!

不過決定左做就唔理啦!!

 

其實之前都有心理準備走上依條路就咩都係用錢堆砌!!

錢花盡不要緊, 最緊要不要將我的希望幻滅!!

 

最後仲有一個問題我10月7日見QM醫生, 個日剛好係依個CYCLE DAY30, 如果今次真係唔得, 咁我應該再係偉澤做多次 OR等QM好呢?

因為QM見完醫生應該等多2-3個月就會開始IUI!