IUI Day7 快樂地等待!!

時間都過得好快!

今日已經DAY7啦!

明天就返去見Dr so, 照d蛋!希望地可以乖乖地成長啦!!

 

依個中秋真係好多節目!

正日係奶奶到BBQ, 其實好想早D返屋企休息!

不過搞下搞下, 要到2點先走到!返去沖完涼都3點!

之後先睇到阿妹個信息話想改第二日去南丫島行下, 因為之前我地係約左9月18日先去, 不過為左就我阿爸D時間, 咁唯有改係噖日去!

其實去南丫島行山我十年前都有去過!

其實幾易行!

 

不過我都出左九斤汗!!

出下汗都好既!希望血液運行得好D啦!

我要11點半打埋針先出門口, SO都係坐3點船去. 行左2個鐘去到索罟灣!

食埋海鮮8點左右就走!

其實行程真係幾舒服!!

 

我做IUI其實同我阿妹提過下, 阿妹又同阿媽講我要打埋針先出得黎!

之後阿媽就問我做咩要打針!

於是我講比佢知做IUI,

 

佢之後既反應係膽心我唔知可唔可以自己打針!

我話冇問題, 我學識左!

 

之後我阿媽話我阿婆個侄女(係大陸)結左婚10年都未有!

老公又係獨子!SO當然好心急!之前IVF失敗勁傷心!

不過最近IVF成功左, 佢地一家都勁開心!

其實阿媽想鼓勵我, 我都好明白!!

 

佢問我要幾錢!

我話一萬七千幾, 佢話萬七就萬七啦!都要試架啦!

其實媽咪咁開明, 真係可以令我少D壓力!

因為我地真係好須要身邊既人既支持!!

 

之後媽咪又問有冇話食D咩, OR唔食得D咩?

我話其實都係唔好食涼野, 暫時TREATMENT時就唔食中藥住!

都係依D!

其實出中環由我屋企去都幾麻煩, 要轉車!

特別係繁忙時間, 簡直迫唔到上車!

SO今晚返阿媽到瞓, 可以有直接車去中環, 唔駛迫得咁緊要!!