Day 19 有點悶悶的!

自從day14放完精後幾日都有幾多白色or淺黃色分泌,

不過我估都係正常既因為打左咁多藥去谷佢!!

 

Day17返左偉澤打加強黃體針!

唔知係唔係打既分量唔同, 我以前都有打過類似既針都唔會有好大反應!

But今次星期六打完, 晚上已覺得肚脹, 係咁放屁!

星期日就有好輕微好輕微肚痾, 不過痾左一次就冇再痾!

但係個肚依然好脹,成日有胃氣 仲成日作嘔, 企起身又頭暈!

今日都仲係but就冇噖日咁勁!

我唔知係唔係d藥既負作用, 定係我自己唔舒服, 轉頭要打去問下偉澤姑娘先!

 

其實如果依d症狀係正常, 我都原意去承受依d辛苦, 只希望我既BBs乖乖痴實我啦!!

 

放左精依5日都算過得快, 因為公司都幾多野做!!

不過你話一d都唔諗就冇咩可能!

唯有諗小d當賺左!!哈哈哈!!

 

講下另一個煩惱, 唔知大家同我有冇同感?

我未實行生bb時腰圍25咐左右, 我1.65m 重109磅, 算係瘦身材!

But我早一個月開始做treatment前鼓起勇氣度左度腰圍!!

哇!!!29吋真係嚇死我!!

 

兩年幾咋加左4吋!but我係冇咩肥到都係keep住109-110磅!

你話丫, 依個瘦身材有條粗腰係幾咁難睇呀!!

 

不過可能係我返工坐得多, 加上d藥既影響啦!!

依加都唔理得咁多啦!

都係生b至上!!

唯有等生完先操返fit啦!!

依加都唔敢著緊身衫, 買d衫多數都係鬆身衫!

可以著到個肚4-5個月都得!!哈哈!!

希望可以快d再買更加鬆既衫著啦!!