IUI順利開始

Day2 終於順利地去左見dr so.

 

早上同老公一齊上去!

等左15mins左右老公簽左d文件&抽左血之後佢就走先返大陸!

我就繼續等見醫生!

 

等多10幾min就到我!

入去照u/s, 醫生手勢very good, 冇唔舒服既感覺!

 

一照醫生就即刻話, 你內膜移位不過個子宮都冇後屈, 都幾好!!

之後佢再照入d, 我估係照卵巢, 不過佢就冇講其他野啦!

個幾分鐘, 真係好似幾個鐘咁耐!個心好亂, 因為唔知會有d問題check到!

之後佢叫我著返褲, 再傾!

 

醫生話我iui應該冇問題!

我再問清楚醫生有冇咩異常!

佢話overall係冇問題, 不過我d卵既存量就真係唔多!

但可以繼續做iui!

 

姑娘同醫生睇我既體重record時覺得好驚訝!

因為record寫49.5kg, 佢地覺得我冇咁重, 我就話我手長腳長, so睇落特別瘦!

佢地就係到笑!!

 

醫生話我都係偏輕, 所以打既劑量比其他人小d!

我only打112.5iu咋!

 

醫生話day8再返去照!

當日我以為會學埋打針, 點知姑娘話day3先開始打!

佢又想見住我打一次, so佢叫我星期六再返黎教我打針!

估唔到又耍返多一次!

 

Day3 11點未到我已經去到!

不過好多人!等左40min姑娘先得閒d!

其實見過好多blog友都話打針唔係好驚!

So我都唔係好緊張!

 

不過我一路都以為會有打針筆輔助!

點知原來係真係要攞住支針黎打!

雖然心裡開始有d驚, 不過都保持鎮定!

跟姑娘講既set做!

 

其實個針頭都有2cm長, 我平時見醫生打針都係入小小針頭就打得!

So我以為今次都係插左針頭小小先!

點知姑娘話係要插晒入去先得!

於是我就慢慢再將針頭轉入去!

姑娘話一野插入去會冇咁痛!

不過第一次唔知係有d手忙腳亂!

 

好在姑娘有睇我打一次咋!

不過就算我慢慢轉個針頭入去都唔係好痛!

姑娘都讚我好叻, 好鎮定!

唉!冇辦法啦!唯有頂硬上!

 

個日係11點半左右打針!so之後都要係11點半打!

即係要返公司11點半打!

之前仲好膽心公司個廁所燈係會auto熄, 如果打打下冇燈都唔知點!

不過今日返黎公司打都好順利!!

希望之後都一齊順利啦!

 

祝各位中秋節快樂!

每個媽咪都可以同bb快樂慶中秋!

而我地下年都可以同我地既阿b一齊過啦!!