復活節期間請左3日假, 放左11日, 自制長假期!
本打算如果成功可以養胎, 咁失敗左就唯有用黎療傷!
有睇過我的blog的朋友應該知道我家養左3隻狗!
其實比我阿婆知道我養狗後, 佢已非常反對!
老一輩的舊思想亦無法改變!
唯有她說什麼我都說是, 但當然不會放棄我的3小狗!
其實我爸爸媽媽對3小狗亦沒有好感, 但可能我地兩公婆都咁大個, 佢又唔好意思話我!
復活節期間阿媽打黎問我結果點, 醜婦終須見家翁, 都要話佢知唔得!
阿媽終於又忍唔住叫我唔好養3小狗, 叫我將佢地送比人, 等有左再養過!
話養佢地影響風水, 影響我,生b機會!!
之前同佢解釋過好多次, 醫生話養狗係不影響懷孕, but佢聽唔入耳朵
個刻真係整到我崩潰, 我答左句生唔到算啦!之後收左線!!
收線後淚如泉湧, 老公係咁問我阿媽講左d咩, 我跟本講唔到野!
到我平復左d時, 講比老公聽, 老公叫我唔好理佢講咩!!
其實我地行依條路已經處處受傷, 有時比最親的人刺一刺真係仲傷!
雖然知道阿媽都係想我快d可以生b, 但都係接受唔到依d說話!
有時我覺得生兒育女係一生的承擔, 如果我連3隻小狗的承擔都做唔好!
個天又點會比機會我向我的兒女做一生的承擔呢!!?
經過依次電話事件後, 阿媽冇再提過依件事!
可能佢知我的底線啦! 咁始終係兩母女係冇隔夜仇既!!
我都有朋友有養狗, 但都成功造人~ 你要加油AR~!
ReplyDelete[版主回覆04/30/2013 11:23:04]希望我都得啦!!
d老一輩係咁！別放棄！
ReplyDelete[版主回覆04/30/2013 11:28:36]多謝!!
你媽咪都係為你好o既, 佢想你o係一個最好o既環境下養胎嘛~ 只要你老公都贊成你繼續養就得啦!
ReplyDelete[版主回覆04/30/2013 11:29:18]其實我老公比我更愛狗!!哈哈!
其實養貓狗同生B真係冇關係, 我身邊都好多人有B同時有貓狗. 因為我自己都有狗仔.
ReplyDelete有時老人家既角度睇野真係同我地好唔同, 好似我奶奶&媽咪咁, 都成日話我因為係食左超過十年避孕藥而攪到生唔到. 我通常都聽完就算, 唔會記住佢地講既野令自已唔開心.
[版主回覆04/30/2013 11:30:44]係既, 有時老人家的想法係古老d!!
我都要左邊耳入右邊耳出先得!!
你養狗都好d, 我家2貓, 我的朋友及老人家, 都叫我貓一定不可以養, 好邪及有病毒, 所以令我無bb, 我聽了, 不會理會, 只要自己知道就得, 你媽咪都係緊張你, 為你生bb的問題而擔心, 唔好怪佢, 你講得好o岩, 狗狗都是生命, 我地要承諾一生照顧佢地, 就好似子女一樣, 上天一家知道我地有善良的心, 一定會比你成功的, 加油呀, 不要放棄呀^^
ReplyDelete[版主回覆04/30/2013 11:33:30]好多謝你的安慰!!
你都要take care!!
我同老公都養咗兩隻貓，我呀媽同奶奶都話養貓好難有bb的，但我都從來無唸過放棄佢地，我亦都有同佢地講，如果要我放棄一對貓我先會有bb的話咁我唔生啦，牠們陪我經歷嘅無人代替到咖，所以我都好討厭佢地咁講，由其是家人，我們最需要係佢地嘅支持
ReplyDelete你放心啦，養貓狗系唔影响生BB嘅，我家有三貓，其中一隻重系我估唔有這胎前3個月老公系街執返來的老貓。我老公重同啲人講，系佢救咗隻貓，所以個天送返個B比佢，所以唔好理人老人家講乜，最緊要系自己安心就得。
ReplyDelete朋友養了7隻貓，都無事，照有bb ，但好似要攞貓去驗有無咩病菌咁
ReplyDelete