上次同老公去聽講座時, 其實我地發生左d小磨擦!
話說講座中姑娘提及放胎後可以正常活動, 不用太刻意bed rest.
因為姑娘話普通人有左時都係唔知, 都係正常活動!
我都認同依個說法!
老公即刻話我上次iui放精後咁緊張, 仲唔去放狗!
聽完後即刻有d上火!
其實我自己覺得放狗其實幾操勞, 我家狗狗又好鐘意拉住你行, 成日要同佢鬧力, 又易比狗帶伴倒!!so放精後既2日我都冇去放狗, 之後有去就拖最細粒個隻狗(我家有3隻)!
So有時d男人真係唔明, 雖然話係當一切normal 不過一d比較高危既當然可免則免啦!
不過老公當時就係話叫我唔好太緊張!!
唉!我都冇佢咁好氣, 唔理佢住啦!
開始IVF到時先算啦!
其實我都知道好多方間既野未必有科學根據話對著床一定有用, 不過如果唔係對身體唔好, 又做得到, 咁樣做埋又何防呢???
我地咁辛苦行到IVF依條路, 要打咁多針, 抽咁多血, 做埋手術先抽到卵!
到最後等著床, 當然想以最佳環境及狀態等待啦!
咁盡量小心D, 比平時緊張D都好難免啦!!
當日聽完講座後去左睇岑醫師, 我問佢放胎後駛唔駛請2星期假係屋企休息!
佢話駛唔駛咁早問呀?我話想早DPLAN定如果要請假都想盡快話比公司知, 等佢地有得準備下!
於是岑醫師問我係唔係一般文職, 我話YES!
THEN佢話可以返工, 只要唔係做粗重野!!
咁我可能都係會聽醫生/師話!
不過放左胎之後可能就會返外家住, 因為我媽咪屋企近我返工好多!
而且有阿媽係到就咩都唔駛做, 做大小姐!!哈哈!
老公唯有暫時唔理住!!
講返今個CYCLE, 昨天已經DAY17, 不過仲未CHECK到排卵, 我平時DAY12-15就CHECK到!
今個CYCLE唔知做咩唔排卵!
真係令人擔心!!
不過都唔理住啦!!
可能佢想休息一次!
不過希望佢唔好偷懶咁耐啦!
依加唯有等下個CYCLE再CHECK啦!
男人唔會明架喇!!! 我老公成日都叫我放鬆D...其實邊有得放鬆!!!!! 好多野諗!!!!!
ReplyDelete[版主回覆12/29/2011 11:15:03]都架!
面對失敗, 真係唔容易!
但係係依條路上, 我地要一齊克服佢!!
加油!!
[傻婷回覆12/29/2011 10:51:08]我當然明白..自己付出了..當失敗時自己既壓力原來比付出的更加大!
[版主回覆12/29/2011 10:34:59]要放鬆完全唔諗真係唔係咁易架!!
因為真係付出好大!!
我放完胎真係好輕鬆，搬咗重嘢都吾覺，但一係home就做返大小姐，大少奶角色啦，而家埥人敗左又打回妹仔身份。今日開始針灸，點解拮幾針後，就照燈？你平時係咪敢架？
ReplyDelete[版主回覆12/29/2011 10:36:05]我都係放針後照燈架!正常的!!
其實好多人都話唔駛成日訓係度, 我診所個姑娘就話正常活動無乜所謂不過係頭幾日唔好行太多, 盡量坐同訓多少少囉. 我覺得你都唔好拖大狗住, 我自己都有養狗, 個排我都唔敢自己拖, 因為如果要一路同佢鬥力真係唔掂. 盡可能交俾老公做啦. ^^
ReplyDelete[版主回覆12/29/2011 11:10:18]我估到時都係頭幾日休息多少少, 之後都會返工!
為左避免粗重功夫, 我到時應該返阿媽到住安全d!!
因為係屋企, 有時又會自己忍唔住做野!!
放鬆, 講就容易囉, 唔通當咩事都冇發生過咩. 所以都係盡量休息下, 唔好諗咁多. 粗重野真係唔好做呀~
ReplyDelete[版主回覆12/29/2011 11:17:54]唉!好有同感!!
我地真係條路唔易行, 先至樣樣咁小心!!
所有野都唔想有萬一!!
因為真係怕承受不了!!
[Anjoy回覆12/22/2011 11:12:43]"因為姑娘話普通人有左時都係唔知, 都係正常活動!" <--- 大佬呀, 我地就係唔係普通人丫嘛, 係既話就一早有佐啦, 使鬼來聽講座攪咁多野咩!!
如果你有假，到時放胎後可以請幾日休息下，if 放二個星期怕你係屋企胡思亂想，返文職都冇咩粗重工作，而且時間會過得快些。我都不贊成放狗，我咁多次放胎都冇放狗，等老公一個放
ReplyDelete[版主回覆12/29/2011 11:20:54]yes, 我想到時放幾日假休息, 如果之後身體冇問題都應該返工!!'
我自己就緊係想萬事小心一點, 到時真係唔理老公住啦!等佢自己搞掂d狗狗啦!哈哈!!
你養咩狗?
你大肚後仲有冇同d狗接觸?
d男人係咁精心大意架喇...佢地都唔明我地好多野要諗, 要plan 定, 以為只要見步行步就得, 都唔知我地背後做左幾多功夫! 但我諗佢既用意都係想你放鬆, 只不過表達得唔合時宜啫. 原諒佢啦!
ReplyDelete[版主回覆12/29/2011 11:22:29]哈哈!我都唔嬲佢啦!
嬲人好辛苦架!!
唯有做好自己希望到時順順利利啦!!
放胎後大約5日係著床期, 你有假可以放幾日/一星期抖下, 不過都唔洗成日訓床, 只要小心D行慢D, 可以做正常野, 唔拎重野就 OK。
ReplyDelete[版主回覆12/29/2011 11:22:56]yes, 收到!!
I think you are too nervous la. No need to bedrest for so long, some slow walking is ok. Save more holidays for later use ar!! This is only a start, pregnancy needs even more attention!
ReplyDelete[版主回覆12/29/2011 11:23:43]你都講得啱!!
有左之後須要更多假!!
我 prefer 休息.
ReplyDelete番工一味坐, no good!
反而休息喺屋企仲可以多 d 走動.
[版主回覆12/29/2011 11:28:55]係呀!如果屋企環境許可, 應該係屋企好d既!
不過我家有3隻狗狗, 係屋企時, 我怕自己唔忍心唔理佢地!
但理佢地又怕大動作!
so可能休息幾日之後就返工啦!