噖日請左半日假去QM證記!
其實噖日下午都係我老公一個朋友既註冊日!我係去左佢地既註冊先再去QM!
其實佢地係無意中有左, 依加都5個月啦!SO就註冊先, 到BB出世後12月先擺酒!
都好”鄧”佢地開心!我老公成日話有冇咁易中呀?!一次就有左, 仲要結婚??依個朋友同佢老婆唔係識左好耐, 如果冇BB都唔會結婚住!
其實我心情都有D怪怪地!一方面都真係真心祝福佢, 同埋好鬼羨慕佢地!而自己參加完人地個婚禮就要去排不育, 感覺真係唔好受!!真係同人唔同命!!
係旺角坐小巴去QM都唔係好耐30分鐘左右啦!
之前都睇過其他sis既BLOG知道係去S座5樓登記.
去到都唔使10幾分鐘就登記左!要等1年半之後先返去見醫生即係11年10月7日!真係等到頸都長!!當然我老公都要返去交2次丁丁!
去到時聽到姑娘話今日落左7個, 全部做晒!!
又有一對年青男女係登記處同姑娘講我想唔要!姑娘話我地下午唔收證WOO…..你要幾時幾時黎先得BABAAAAAAA……….
唉!依個世界就係咁咁容易得到就唔珍惜!難維我地依D……….
其實要等一年半先見醫生, 真係做IVF都最少要等2-3年, 實在係太耐啦!!
我同我老公講左我既PLAN, 先休息3個月, 希望會有好消息!
如果唔得就返鄧醫生到繼續療程(打排卵針), 試4-5個月啦!或者睇鄧醫生再有咩建議!
如果大吉利是真係都唔得, 可能休息1-2個月後去偉澤做IVF.
我老公都好SUPPORT我依個PLAN, 咁我都放心D!
起碼都有多1年時間比我儲下錢!!
另外噖日的起心肝JOIN左YOGA班, 希望做多D運動都健康D同埋增加受孕機會啦!不過依個YOGA中心係新架, 要等到3月中先開!暫時未有得做住, 唯有星期六同老公打羽毛球, KEEP住先啦!哈哈!
真係好耐渦～我諗我応該無甘o既耐性等甘耐...
ReplyDelete做yoga好阿～不過吾好做hot yoga渦、上次Dr Tay叫我吾好做hot yoga架～
[版主回覆03/01/2010 16:08:00]我都係覺得要排好耐 !! 講真我地依架係同時間競賽 , 越遲成功率就越低 !!
真係唔心急都唔得 ! 但又急唔黎 woo!!!
我之前都有 d 膽心做 yoga 會唔會太激烈 , 原來係唔可以做 hot yoga??
係排卵前做 hot yoga 會唔會冇咁大問題 ?
雖然要排好耐, 但排咗先啦! 可能排排下自己搞掂咗呢! 有 d sister 都係咁......加油呀!
ReplyDelete[版主回覆03/01/2010 16:10:00]唉 ! 都係試住等囉 ! 都冇咩辦法 !!
又唔想比自己咁大壓力 !!
你都要加油呀 !!
其實跑下步都唔錯架, 最緊要係令自己血液循環好D, 身體健康D, 都容易中D架! 加油呀!
ReplyDelete[版主回覆03/01/2010 16:12:00]係呀 ! 我都覺自己可能係缺乏運動 !
但又怕太大運動量會影響個胎 , 如果有左 !so 都有 d 矛盾 !
點都排左先, 咁你呢段時間可以順其自然, 話唔定natural bingo, 到時咪慳番d$$ 留俾亞b用囉.
ReplyDelete[版主回覆03/01/2010 16:15:00]你都講得啱 ! 係唔係都排左先啦 !
希望都真係可以自然中啦 !
你係差不多著床時就唔好做運動住, 等派彩呀, 但著床前要做多d運動, 血液循環d, 會機會大d架!
ReplyDelete[版主回覆03/01/2010 16:36:00]多謝你既 information!!
我點都會做多 d 運動架啦 !!Thanks!