最近睇到好多戰友成功, 有好多仲係孖B!
真係好替佢地高興!!
不過如果遇到困難的朋友亦不要灰心!!
因為我地係會全心支持大家的!!
講開我自己最近兩個月M小姐都如常黎探我沒有驚喜!
上一個月M黎時, 超痛, 差不多痛到暈, 返到一半工都要返屋企休息!!
今個月M黎時剛好約左做針灸!
做左又真係冇咁痛…..有時我都會覺得上天點解要成日折磨我!
不過我都知問依D問題都係冇用!!
唯有積極D繼續努力啦!
2-3月真係超忙!好似好多野都集中係2月發生!!
返學有好多功課同PROJECT要交!
公司2月底時又超多野做!
仲要知道我阿爸BODY CHECK有幾個比較嚴重少少既問題!
當時真係好煩下!
2月中時買左樓, 比依加間屋大左一陪, 之後要同銀行搞按揭, 真係超煩, 又要賣依架住緊層樓!
星期六日又要比人黎睇樓!
仲有上星期又去左北海道旅行!
其實去旅行時真係好開心下, 個幾日真係將係香港時既負擔暫時放下!
其實充電係要為行更長的路!
依加返左黎要開始準備裝修D野!
又要準備返學有兩份功課要交, 4月中又考試!
雖然好忙下!不過時間真係好快過!
希望可以快D賣到依加間屋出去啦!
同埋可以趕及5月中前搬屋啦!
其實做依一切都係想迎接我地既小BBs, 希望你會知道我地係多麼渴望你的來臨!!
